မွန်တို့မောင်နှစ်မတွေ နွေရာသီကျောင်းပိတ်ထားလို့ အိမ်ထဲမှာပဲ တနေကုန် ဂိမ်းနဲ့ အင်တာနက်နဲ့ အချိန်ကုန်နေကြတယ်။ ဒါနဲ့ ဒီပုံပြင်လေးကို ပြောပြဖြစ်တယ်။
ဒီပုံက ပြင်သစ်က လာတဲ့ပုံပဲ။ ဒီပုံကို ဟမွန်းဘေးက ဆရာတော် ဦးသြသဓက တရားထဲမှာထည့်ဟောလို့ ကြားဖူးသွားပြီး ကြိုက်တာနဲ့ အင်တာနက်မှာ လိုက်ရှာလိုက်တယ်။ မြန်မာပြည်က တူ တူမတွေကိုလဲ မျှဝေလိုက်ပါတယ်။
တခါတုန်းက ပြင်သစ်ကပရော်ဖက်ဆာတယောက်ဟာ အမေရိကန်ပြည်က အောင်မြင်နေတဲ့ ကုမ္ပဏီတွေရဲ့ထိပ်တန်းမန်နေဂျာတွေကို အချိန်ကိုအကျိုးရှိအောင် ဘယ်လို သုံးရမလဲဆိုတာကို မွန်းမံ သင်တန်းပေးဖို့ ရောက်လာတယ်။
သူက စားပွဲပေါ်မှာ အဝကျယ် ဖန်ပုလင်းတခုတင်လိုက်ပြီး ပုလင်းထဲကို ကျောက်ခဲတုံးတွေ အပြည့် ထည့်လိုက်ပါတယ်။
ပြီးတော့ မန်နေဂျာတွေကို မေးလိုက်တယ်။
“ထပ်ထည့်လို့ ရသေးလား။”
“မရတော့ဘူး ဆရာ။”
“ဟုတ်ရဲ့လား။”
ဒါနဲ့ သူက စက္ကူထုပ်ထဲက ခဲသေးသေးလေးတွေကို ထုတ်ပြီး ပုလင်းထဲကို ထပ်ထည့်ပြပါတယ်။
“အို့ အို ….. ဟင်း ဟင်း ဟင်း ဟဲ ဟဲ ဟဲ။”
ခဲလေးတွေဟာ ကျောက်ခဲတုံးတွေကြားထဲကိုတိုးပြီး ဝင်သွားပါတယ်။
သူက တခါထပ်ပြီး မေးပြန်တယ်။
“ထပ်ထည့်လို့ ရသေးလား။”
“ဒီတခါတော့ ပြည့်နေပြီ ဆရာရေ။”
“သေချာ လား။”
ဒါနဲ့ သူက နောက်စက္ကူထုပ်ထဲက သဲတွေကို ပုလင်းထဲ ထပ်ဖြည့်ပြပါတယ်။
“ဝေါင်း” “ဝါး ဟား ဟား ဟား။”
သဲမှုန်တွေဟာ ခဲနဲ့ ကျောက်ခဲတုံးတွေကြားထဲကို အကုန်ဝင်သွားပါတယ်။
“ခင်ဗျားတို့ ဘာတွေ့သလဲ။”
မန်နေဂျာတယောက်က-
“ကျွန်တော်သိပြီဆရာ။ ကျွန်တော်တို့ အချိန်ဇယားတွေက ဘယ်လိုပဲ ပြည့်နေပြီပြောပေမဲ့ အလုပ်တွေ အစည်းဝေးတွေ ထပ်ထည့်လို့ရသေးတယ်။”
“မဟုတ်သေးဘူး။ ကျွန်တော်ဆိုလိုချင်တာက-
အကယ်၍သာ ကျောက်တုံးအကြီးကို အယင်ဆုံး မထည့်ဘူးဆိုရင် ကျွန်တော်တို့လုပ်ငန်းတွေ အားလုံး ဘယ်တော့မှ ပြီးမှာ မဟုတ်ဘူး။ အံဝင်ဂွင်ကျ ဖြစ်မှာမဟုတ်ဘူး။”
“ဒီမှာကြည့်လေ”- ဟုဆိုကာ ပုလင်းထဲက ကျောက်တုံးတွေ ခဲတွေ သဲတွေကိုပြန်ထုတ်ပြီး သဲကို အယင်ထည့်ပြလေသည်။
ပြီးတော့ ခဲ။
ပြီးမှ ကျောက်တုံး။
အံမဝင်တော့ပါ။
“ဟာ”
အခန်းတခုလုံး တိတ်ဆိပ်သွားလေ၏။
ပြီးတော့ စကားဆက်ပြန်၏။
“ခင်ဗျားတို့ ဘဝမှာ ဘယ်ဟာက ကျောက်တုံးလဲ။ ဘယ်ဟာက ဘဝရဲ့ ပန်းတိုင်လဲ။ အနှစ်သာရလဲ။”
“မိသားစုလား။”
“သူငယ်ချင်းလား။”
“ကျန်းမာရေးလား။”
“ပရဟိတ အလုပ်လား။”
“ကိုယ်ကြိုက်တာ ကိုယ်လုပ်ရဖို့လား။”
“ကိုယ့်ဘဝရဲ့ ကျောက်တုံးကို သေသေချာချာ သတ်မှတ်ပြီး သူ့ကို အယင်ထည့်နိုင်အောင် ကြိုးစားကြပါ။”
ဗုဒ္ဓတ္တစရိယာ
ဥာတတ္ထစရိယာ
လောကတ္ထစရိယာ
“မြတ်စွာဘုရားလဲ ကိုယ့်ကိစ္စပြီးအောင် သံသရာကလွတ်မြောက်အောင် အယင်လုပ်တယ်။ ပြီးမှ သားသမီး ဆွေမျိုး ကိုယ့်အသိုင်းအဝိုင်း လောကအတွက် လုပ်တယ်။”
၈၊ ၈၊ ၂၀၁၁။
No comments:
Post a Comment