မြန်မာစစ်မျက်နှာ (၇)

စစ်ကိုမေ့သွားစေသော ဗန်ကောက်မြို့တွင်း

ဗန်ကောက်မြို့တွင်း၌ အချိန်မရွေး ကျရောက်နိုင်သော စစ်ဘေးအန္တရာယ် မလုံခြုံမှုလက္ခဏာ စသည်တို့ လုံးဝမမြင်ရချေ။ ရုပ်ရှင်ရုံများတွင် အင်္ဂလိပ် အမေရိကန်ရုပ်ရှင်ကားများ ပြသနေပြီး ညကလပ်များ၌လည်း strip shows ဖော်ချွတ်ကပွဲများဖြင့် စည်ကားလျက် အသွားအလာမပျက်ပဲ ကျွန်တော်တို့မှလွဲလျှင် စစ်ကိုသတိရပုံ မပေါ်ကြပေ။

ဗုဒ္ဓဘာသာနိုင်ငံဖြစ်သောထိုင်းတွင် ယောကျာ်းများသည် တသက်တွင် တစ်ကြိမ် ယဉ်ကျေးမှုအရ ရဟန်းဘောင်သို့ ခေတ္တဝင်ကြရသော ဓလေ့ရှိလေရာ အဝါရောင်သင်္ဃန်းဝတ်ထားသော များပြားသောရဟန်းတော်များကို မြင်တွေ့ရလေသည်။

မြို့တွင်း၌ ဗုဒ္ဓဘာသာဘုရားကျောင်းများက အများအပြားတွေ့မြင်ရပြီး အထူးသဖြင့် Wat Phra Kaeo ဝတ်ဘုရားကေးအိုး၏ ပြောင်မြောက်သော ပိဿုကာလက်ရာများက ရင်သတ်ရှုမောဖြစ်ရပေသည်။ ရှေးခေတ်အခါက အနုပညာလက်ရာများ ယနေ့ထက်တိုင် မူမပျက်ဘဲ ကျန်ရစ်နေသေးသည်။

မြွေဟောက်သွေးမှထုတ်လုပ်သော အဆိပ်ဖြေဆေး vaccine ကိုဝယ်ရန် Snakes Farm Institute သို့ သွားရာ ပစ္စည်းပြတ်နေသည်နှင့်ကြုံရ၏။

မြို့ထဲဆေးဆိုင်များတွင် တဆိုင်ဝင်တဆိုင်ထွက် ရှာဝယ်ရ၏။ နောက်ဆုံးတွင် ဘုရားမသဖြင့် လိုအပ်သည့်အရေအတွက်ရရှိပြီး သောင်းထိုက်သော ဤဆေးပစ္စည်းများ လက်ဝယ်ရှိနေသည့်အတွက် ရတနာထုတ်ရသည့်နှယ် ပျောက်ပျက်မည်စိုး၍ တကိုင်ကိုင်ဖြင့် လက်က ချမရဲပေ။ မြွေဆိပ်ဖြေဆေးအတွက် ရတက်မအေးခဲ့ရသော ဆရာဝန့်အပူလုံးမှာမူ ကျသွားပေသည်။

ချစ်ချစ်တောက်နေရောင်အောက်တွင် မီးကင်ထားသည့်နှယ်ဖြစ်နေသော လမ်းမပေါ်တွင် ဖိနပ်မပါဘဲ ဥဒဟိုသွားလာနေကြသောလူများကိုကြည့်၍ အံ့သြရ၏။ ရထားမောင်းသောလူကလည်း ဖိနပ်မပါ။

မြို့ထဲသယ်ယူပို့ဆောင်ရေးတွင် လူ့စွမ်းအင်ကို အသုံးပြု၍ ရွေ့လျားသော စက်ဘီးယာဉ်(ဆိုက်ကား)ကိုတွေ့ရ၏။ သက်တောင့်သက်သာ ထိုင်နိုင်ပြီး လေဟာပြင်ထဲတွင်ရွေ့လျားသဖြင့် ပျော်စရာပင်ကောင်းသေးတော့၏။

သွားလိုရာခရီးကိုလည်း ဆိုက်ကားဆရာထံ မေးမြန်းစုံစမ်းနိုင်ပြီး ကျွန်တော်တို့အတွက်ကတော့ အလွန်အဆင်ပြေသော ယာဉ်ဖြစ်လေသည်။

အချိန်အားရလျှင် ဆိုက်ကားဖြင့် မြို့တွင်း ဟိုနားဒီနား လည်ပတ်စီး၍ စကားစမြည်ပြောလို့ရခြင်း လ္ဘက်ရည်ဆိုင်သို့ ပို့ပေးခြင်းဖြင့် အဆင်ပြေစွာ အပမ်းဖြေလို့လည်းရပေသည်။