အမေ
ဒီနေ့ ကိုညိုဖုံးဆက်တယ်။
သူတရားရုံးမှာ ယဉ်ထိန်းရဲနဲ့ အမှု၃မှုဖြစ်ထားတာ တခုနိုင်သွားတယ်။ ရဲက ရုံးချိန်းမလာနိုင်လို့။ အရမ်းပျော်သွားတယ်တဲ့။
အရင်နေ့တွေက သူ စိတ် မသက်မသာ ဖြစ်နေတဲ့အကြောင်း။
သူ ရဲနဲ့ အမှု၃ခုတောင်ရှိနေတဲ့အကြောင်း။
မနက်ဖန်ရုံးချိန်းက အမှုဟာ အောက်ရုံးမှာ တခါရှုံးထားပြီး ဒီတခါရုံးမှာ ရှုံးရင် ၃မှုဖြစ်သွားတဲ့အတွက် ကားလိုင်စင် ယာယီသိမ်းခံရနိုင်ပြီး အလုပ်လုပ်လို့ မရနိုင်တော့ကြောင်း။
အကယ်၍ လိုင်စင်အသိမ်းခံရရင် ရန်ကုန်မှာပဲ ခဏပြန်နေရတော့မယ်ထင်တယ်လို့ ဖုံးဆက်ပြောတယ်။
စူးမာလဲ "ရုံးချိန်းသွားကြည့်ပေါ့၊ တခါတလေ ရဲကမလာနိုင်ရင် ကိုယ်နိုင်သွားတာပေါ့။ ကိုယ့်ကုသိုလ်ကံလည်း ရှိသေးတာကိုး"လို့ အားပေးလိုက်ပါတယ်။
ကိုညိုအလုပ်က ကားမောင်းနေတာဆိုတော့ ဒီအမှုတွေနဲ့ တချိန်လုံး နပမ်းသတ်နေရတာပဲ။
လိုင်စင်သိမ်းသွားတော့လဲ နားရတယ်လို့ သဘောထားပေါ့။ အမေက သားသမီးတွေ အနားမှာရှိရင် ပျော်နေမှာလို့ ကောင်းတဲ့ဖက်ကို တွေးနိုင်အောင် တွန်းပေးလိုက်တယ်။
သူက စူးမာပြောတဲ့ ကံမမှီ ကံခြင်းဆက်၊ ကုသိုလ်အင်ဂျင်ကို ၂၄နာရီ နှိုးထားဆိုတာကို သတိရပြီး ငါလည်းကုသိုလ်အင်ဂျင်ကို နှိုးကြည့်အုံးမှဘဲဆိုပြီး ရုံးမသွားခင် ဘုရားအာရုံပြုပြီး ရတနာ၃ပါးဂုဏ်ကျေးဇူးကြောင့် ရဲမလာပါစေနဲ့၊ အမှုနိုင်ပါစေလို့ ဆုတောင်းသတဲ့။
ငါ့ကုသိုလ်အင်ဂျင်က မနှိုးတာကြာပြီဆိုတော့ ချာဂျင်မှဝင်ပါ့မလား။ ပါဝါတွေဒေါင်းကုန်ပြီထင်ပါရဲ့။ ဒီတခါ ကြောက်ကြောက်နဲ့ ရုံးချိန်းသွားရသတဲ့။
အရင်ရုံးချိန်းတုန်းက အမှုခေါ်တဲ့ရဲက အရမ်းဟောက်တာ။
သူကနားလေးနေလို့ သူ့နာမယ်ခေါ်ရင် မကြားမှာစိုးလို့ ကျနော့နာမယ်ခေါ်ရင် ကျေးဇူးပြု၍ ကျယ်ကျယ်လေးခေါ်ပါလို့ ပန်ကြားမလို့ မတ်တပ်ရပ်တာကို
ဟေ့လူ ထိုင် ဘယ်သူမှ မတ်တပ်ရပ်ခွင့်မရှိဘူးလို့ အဟောက်ခံရတယ်။
ဒီနေ့ အမှုခေါ်တဲ့ရဲက အသံကျယ်လို့ တော်ပါသေးရဲ့။
ဒါနဲ့ပဲ လူစုံတော့ ရဲကမလာနိုင်ဘူးလဲဆိုရော ကိုယ့်နားကို ကိုယ်စိတ်မချလို့ ထပ်မေးရတယ်။ သေချာတော့မှ အောင်မလေးပျော်လိုက်တာ။
ပျော်တဲ့အကြောင်း တယောက်ယောက်ကို ဖုံးဆက်အုံးမှ။
ဂျွန်တို့ ဖူးတို့ကိုဆက်မလို့။ ဒါပေမဲ့ သူတို့က ကိုယ်ဘာကြောင့် ဒီလောက်ပျော်မှန်းသိမှာမဟုတ်ဘူး။
စူးမာဆီပဲဆက်လိုက်မယ်....။
အမေရေ
အမေ့သားတွေ လောကဓံကြုံလာရင်တော့ ကုသိုလ်လုပ်ဖို့ သတိလေးတော့ရတတ်သားပဲ။
ဒီထက်ပိုပြီး နေ့တိုင်း နည်းနည်း နည်းနည်း ဒီအင်ဂျင်နှိုးနိုင်ရင် လက်ခမောင်းခတ်လို့ရပြီလို့ အမေ့ကိုယ်တွေ့တွေကို ပြောပြလိုက်ပါအုံး။
အမေကျန်းကျန်းမာမာနဲ့ သားသမီးတွေဆီမှာ သာသနာတည်တံ့ ပွားများလာအောင်
ဆထက်တန်ဘိုး ဆောင်ရွက်နိုင်ပါစေ။
No comments:
Post a Comment