ခေတ်သစ်နည်းပညာများ ရှာဖွေတီထွင်ရာ Silicon Valley ၏ မြို့တော် San Jose ရှိ Tech Museum တွင် မေလမှစတင်၍ ကမ္ဘာကျော် စစ်ဧကရာဇ်ကြီးဂန်ဂျစ်ရ်ှခန် ပြခန်းကိုပြသလျက်ရှိရာ နေ့စဉ် ထောင်ပေါင်းများစွာသော ဧည့်ပရိဿတ်များ လာရောက်ကြသဖြင့် စီစဉ်သူများက အောက်တိုဘာလ ၂၄ရက်အထိ ရက်တိုးလိုက်ကြရသည်။ ဤ ပြခန်း၌ အနာဂတ်နည်းပညာ ဆန်းသစ်ရှာဖွေတွေ့ရှိမှုများ မကြာမကြာ ပြလေ့ရှိပြီး ဒီတခါတွင် တမူထူးခြားလျက် ၁၃ရာစုမှ စစ်ဧကရာဇ်ကြီး၏ စစ်ရေး၊ အုပ်ချုပ်ရေး၊ ဘာသာရေးယုံကြည်ကိုးကွယ်မှုများတွင် ဥာဏ်ထိုးထွင်း ကွန့်မြူးပုံများကို ပြသထားပေသည်။
Tech Museum သည် လာရောက်ကြည့်ရှုကြသူ ဧည့်ပရိဿတ်များအား သိပ္ပံနှင့် အဆင့်မြင့်နည်းပညာကို အသက်အရွယ်မရွေး အတန်းပညာမရွေး သိရှိ နားလည် ထိတွေ့ခံစားနိုင်ရန် လက်ဆင့်ကမ်း ပါရမီ ဖြည့်ပေးသောနေရာဖြစ်သည်။ နေ့စဉ်ဘ၀ထဲတွင် ထိတွေ့နေရသော နည်းပညာကို နားလည်ရန်သာမက ၀ါသနာပါသူများအတွက် အသစ်များ ရှာဖွေတွေ့ရှိနိုင်စေရန် စိတ်ကြိုက် စမ်းသပ် ဆော့ကစားခွင့်လည်း ပေးထားပေသည်။ ဤ Silicon Valley တ၀ိုက်ရှိ အဆင့်မြင့်နည်းပညာထုတ်လုပ်နေသော ကုမ္ပဏီများ ကလည်း လက်ရှိ ကြုံတွေ့နေရသော ပြဿနာများကို လာရောက်လေ့လာကြသော ကျောင်းသူ ကျောင်းသားများအား ဆုပေးစိမ်ခေါ်၍ ညဏ်ကစား ကွန့်မြူးစေရာ နေရာလည်းဖြစ်ပေသည်။
ဤ Tech Museum
ဂန်ဂျစ်ရ်ှခန်၏ ခလေးဘ၀သည် ရက်စက်မှု၊ နာကျည်းမှု ကြေကွဲဘွယ်ရာများဖြစ် ပြည့်နက်လျက်ရှိသည်။ အသက်၉နှစ်အရွယ်တွင် အဖေအသတ်ခံရပြီး သူတို့မိသားစုကို သူတို့မျိုးနွယ်အုပ်စုက စွန့်ပယ်ခဲ့လေသည်။
ကြီးနိုင်ငယ်ညှင်း လုယက်မှု ပြန်ပေးဆွဲခံရမှုများဖြင့် ပင်ပမ်းဆင်းရဲစွာ အသက်ရှင်ရပ်တည်ခဲ့ရ၏။
မိခင်ဖြစ်သူနှင့် ဂန်ဂျစ်ရ်ှခန်၏မိန်းမဘ၀တို့သည်လည်း လုံခြုံမှုမရခဲ့ကြပေ။ ဤဘ၀အတွေ့အကြုံများက ဂန်ဂျစ်ရ်ှခန်အား အမြော်အမြင်ကြီးမားစေရန်၊ စိတ်ဆုံးဖြတ်ချက်ခိုင်မာရန်နှင့် ရန်သူကိုရက်စက်နိုင်စေရန် တွန်းပို့ပေးခဲ့လေသည်။
ဂန်ဂျစ်ရ်ှခန်လက်ထက်တွင်-
ပထမဆုံးသော မွန်ဂိုစာလုံးထွန်းကားလာသည်။
မြို့ပြဆိုင်ရာဥပဒေနှင့် စစ်ဘက်ဆိုင်ရာဥပဒေများစတင် ပြဌာန်းအုပ်ချူပ်ခဲ့သည်။
မိန်းမနှင့်ခလေးများကို မသတ်ရ။ ပြန်ပေးဆွဲခြင်းမပြုရ။
ယဉ်ကျေးမှုမတူညီသည့်နိုင်ငံများကို အုပ်ချုပ်ရသည့်အတွက် လွတ်လပ်စွာ ကိုးကွယ်ခွင့်ပြုသည်။
အုပ်ချုပ်ရေးအမှုထမ်းများခန့်ထားရာတွင် လူမျိူးဘာသာမခွဲခြားရ။
သံတမန်၊ ကုန်သည်များနှင့် စာချွန်တော်များအတွက် နိုင်ငံကူးလက်မှတ်ထုတ်လုပ်သုံးစွဲသည်။
မင်းမှုထမ်း၊ ဆရာဝန်၊ ရာဖြတ်၊ ရှေ့နေ၊ ကျောင်းဆရာ၊ ပညာတော်သင်၊ သာသန့ာဝန်ထမ်း
များအား ၀င်ငွေခွန်ကင်းလွတ်ခွင့်ပြုသည်။
ကျမသည် ၇တန်းရောက်နေသော သားငယ်၏ကျောင်းမှ ကျောင်းသူကျောင်းသားများကို စောင့်ကြပ်လိုက်ပါယင်း ကမ္ဘာကျော် စစ်ဧကရာဇ်ကြီး ဂန်ဂျစ်ရ်ှခန်နှင့်တွေ့ဆုံခွင့်ရခဲ့ပေသည်။ ခလေးများအား ကျောင်းမှပေးလိုက်သော ဂန်ဂျစ်ရ်ှခန်ခေတ်နှင့်ပတ်သက်သော မေးခွန်းစာရွက်နှင့် ခဲတံများကို ဝေငှပေးလိုက်ပြီးနောက် ကျမသည်လည်း
ဤအခွင့်အရေးကို အလွတ်မခံနိုင်ဘဲ စစ်ဧကရာဇ်ကြီးအား အင်တာဗျူးမိလေသည်။
“ဧကရာဇ်ကြီးရှင့် အခုလိုရာစုနှစ်တိုင်အောင် မွန်ဂိုပြည်ထောင်စုနိုင်ငံ တည်တံ့အောင်မြင်မှုရတာဟာ ဘာကြောင့်လို့ထင်ပါသလဲ”
“Be of one mind and one faith, that you may conquer your enemies and lead long and happy lives.”
“ကိုယ့်ပြည်သူတွေနဲ့ တစိတ်တ၀မ်းတည်း တသားတည်းရှိလိှု့ ရန်သူတွေကို အနိုင်တိုက်နိုင်ခဲ့တာ။ ရေရှည်မှာလည်း ဦးဆောင်နိုင်တာ။ သာယာဝပြောတဲ့ ဘ၀တွေကိုလည်း တည်ဆောက်ပေးနိုင်ခဲ့တာပေါ့။”
“အခုလိုအင်မားကြီးမားတဲ့ စစ်တပ်အင်အားကို စနစ်တကျဖြစ်အောင် ဘယ်လိုစုဆောင်းထူထောင်ခဲ့ပါသလဲ”
“Those who were adept and brave fellows I have made military commanders. Those who were quick and nimble I have made herders of horses. Those who were not adept I have given a small whip and sent to be shepherds.”
“ငါ့ဦးဆောင်မှုကိုယုံကြည်တဲ့လူတွေထဲက ရဲရင့်တဲ့လူ တိုက်ရည်ခိုက်ရည် ရှိတဲ့လူတွေဆိုရင်တော့ စစ်ဦးစီးချုပ်ပေးလုပ်လိုက်တာဘဲ။ ဖျတ်ဖျတ်လတ်လတ်နဲ့ သွက်တဲ့လူတွေကိုတော့ မြင်းတွေကို လေ့ကျင့်စေတယ်။ နဲနဲညံ့တဲ့လူတွေကိုတော့ ကြိမ်နဲနဲတို့ပြီး သိုးအကျောင်းခိုင်းလိုက်တယ်။ အားလုံးသူ့နေရာနှင့်သူ သုံးလို့ရပါတယ်။”
“ကျမတို့မြန်မာပြည်က စစ်ဗိုလ်ချုပ်ကြီးများကိုရော ဘာများပြောချင်ပါသေးသလဲ”
“If the great, the military leaders and the leaders of the many descendants of the ruler who will be born in the future, should not adhere strictly to the Yasa (written code of law), then the power of the state will be shattered and come to an end, no matter how they then seek Genghis Khan, they shall not find him.”
“ဘယ် စစ်ဦးစီးချုပ်မဆို၊ နောက်မွေးလာမဲ့ တိုင်းပြည်အုပ်ချုပ်မင်းလုပ်မဲ့သူမဆို၊ ဥာဏ်အမျှော်အမြင်ကြီးတဲ့လူဆိုရင် အခုပြဋ္ဌာန်းထားတဲ့ ပြည်ထောင်စုနိုင်ငံဥပဒေကို ပိုပြီးတင်းကြပ်အောင် မလုပ်သင့်ဘူး။ လုပ်ခဲ့ရင်တော့ ပြည်ထောင်စုကြီး အစိတ်စိတ်အမွှာမွှာ ပြိုကွဲမှာဘဲ။ နောက်ထပ် ဂန်ဂျစ်ရ်ှခန်ထပ်ရှာလည်း မရဘူး။”
“Conquering the world on horseback is easy; it is dismounting and governing that is hard.”
“မြင်းပေါ်ကနေ ကမ္ဘာကြီးကိုအနိုင်တိုက်ရတာလွယ်ပေမဲ့၊ မြင်းပေါ်ကဆင်းပြီး ဒီကမ္ဘာကြီးကို အုပ်ချုပ်ရတာမလွယ်ဘူး။”
“Violence never settles anything.”
“အင်အားသုံးပြီး ဖြေရှင်းရတဲ့ကိစ္စဆိုတာလည်း ဘယ်တော့မှမတည်ငြိမ်ဘူး။”
“ကိုယ်သေတဲ့အခါ ကိုယ့်ကိုယ်လုံးကြီးကိုတော့ သေပေ့စေပေါ့၊ ကိုယ့်နိုင်ငံကိုယ်တော့ ပေးမသေစေနဲ့ပေါ့။”
“ကျေးဇူးအများကြီးတင်ပါတယ်ရှင်”
အိမ်အပြန်လမ်းတွင်-
လှံကိုသို့ထား၊ ဓားကိုသို့ခုတ်
စစ်ဆုတ်စစ်တက်၊ အဘက်ဘက်တွင်
သွက်လက်သေချာ၊ ကျွမ်းကျင်ပါလည်း
ပြည်သူ့နှလုံး မသိမ်းကြုံးသော်၊ ပြည်သူ့ခွန်အားမကိုးစားသော်
ဓားသွားလည်းကြွေ လှံသွားခွေအံ့။
“ကျေးဇူးအများကြီးတင်ပါတယ်ရှင်”
အိမ်အပြန်လမ်းတွင်-
လှံကိုသို့ထား၊ ဓားကိုသို့ခုတ်
စစ်ဆုတ်စစ်တက်၊ အဘက်ဘက်တွင်
သွက်လက်သေချာ၊ ကျွမ်းကျင်ပါလည်း
ပြည်သူ့နှလုံး မသိမ်းကြုံးသော်၊ ပြည်သူ့ခွန်အားမကိုးစားသော်
ဓားသွားလည်းကြွေ လှံသွားခွေအံ့။
ဟူသော မြန်မာကဗျာကို သတိရနေမိပါသည်။
မေနှင်းလဲ့မွန် ၁၀၊၇၊၂၀၁၀။
မေနှင်းလဲ့မွန် ၁၀၊၇၊၂၀၁၀။
