မြန်မာစစ်မျက်နှာ (၂၁)

သဘောထားပြည့်ဝသူ တပ်စုမှူး ဒုဗိုလ် ယာမဒါ မိုတိုဟချိ

၁၉၃၇ခုနှစ် သြဂုတ်လတွင် ယာမဒါသည် စစ်မှုထမ်းရန် တပ်သားစုဆောင်းရာသို့ ရောက်ရှိလာသည်။ ခြေလျင်တပ်မ အမှတ်(၃၄) (ရှီဇုအိုက)၏တပ်ရင်းတွင် ထောက်ပို့တပ်သားအဖြစ် ရှန်ဟိုင်းစစ်မြေပြင် သို့သွားရောက်ခဲ့ရပြီး စစ်ပွဲကြီးငယ်များစွာကို နွှဲလာခဲ့ရသူဖြစ်လေသည်။

တပ်မဟာအမှတ်(၃)က တရုပ်ပြည်အလယ်ပိုင်း ရေကန်မြောက်ဖက်တွင် ယာယီ ဌာနချုပ်အဖြစ် တပ်စွဲထားချိန်တွင် ယာမဒါက ဝူဟန်(Wuhan) မြို့ မြောက်ဖက် တပ်မဟာသို့ ရောက်နေပြီး ပြန်တမ်းအရာရှိ အဖြစ် ခန့်ထားခံရသည်။ ထိုအချိန်တွင် ပထမအဆင့် အရာရှိလောင်းများ(အနည်းဆုံး အလယ်တန်းအောင်မြင်ပြီး တပ်လေ့ကျင့်ရေးသင်တန်းကျောင်းမှ အဆင့် အေဖြင့် အောင်မြင်ထားပြီးသူ)စာမေးပွဲသို့ ဝင်ရောက်ဖြေဆိုရာ အောင်မြင်ခဲ့လေသည်။

ယနေ့ခတ်တွင် ရှိသော အပိုဆောင်းပြန်ဖြေခြင်း(supplement) မရှိရကား ဤ စစ်ဆေးမှုသည်မည်မျှခက်ခဲမည်ကို သိနိုင်ပေသည်။ စစ်ဆေးမှုအပြီးတွင် အအောင် အရှုံးကိုလည်း တလက်စတည်း ကြေညာသည်။

သူသည် နည်းဥပဒေများဘာသာရပ်နှင့် သက်တမ်းရှည်သော တပ်ရင်းကြီးဖြစ်ရန် အခြားသော ဘာသာရပ် စစ်ဆေးမှုများကို ဖြေဆိုနိုင်ခဲ့သောကြောင့် တပ်ရင်းတပ်စုမှူးအဆင့်သို့ ရောက်ခဲ့သည်။

ဤသို့ဖြင့် ပထမအဆင့် အရာရှိလောင်းအောင်ပြီးနောက် မြန်မာပြည်တွင် တပ်ရင်း(၃)၌ ဒုဗိုလ် အဆင့်ဖြင့် တပ်သားများ၏ မွမ်းမံသင်တန်းဆရာ ဖြစ်လာသူဖြစ်သည်။

ယာမဒါနှင့်တွေ့ဆုံခြင်း

ယာမဒါသည် သီးခြားတပ်တွင် တပ်သား၁၅ယောက်ကို စုဆောင်းနိုင်သဖြင့် တပ်ရင်းတွင် တပ်စုမှူး၂ယောက်ရှိသည့်အနက် တစ်ယောက်ဖြစ်လာလေသည်။ ကျွန်တော်နှင့် စတွေ့စဉ်က သူ့အခြေအနေဖြစ်သည်။ တပ်ရင်း၏အဖွဲ့ဝင်တပ်သားထဲမှ တစ်ယောက်ဖြစ်သည်မှစ၍ ကျွန်တော်တို့ နှစ်ယောက်သည် သွေးရင်းသားရင်းပမာ ရင်းနှီးသွားကြကာ အေးအတူ ပူအမျှ ဝမ်းသာစရာရော ပူဆွေးစရာများကိုပါ မျှဝေခံစားသည်အထိ ချစ်ကြည်ရင်းနှီးခဲ့ကြလေသည်။ ဤရင်းနှီးမှုသည် ယခုစာရေးသည့် အချိန်ထိ နှစ်ပေါင်း ၄၀ကျော်ကြာ တည်တံ့လျှက်ရှိနေပေသည်။

ယာမဒါသည်လည်း ငယ်ရွယ်သူဖြစ်သည့်အလျှောက် သူ့တွင် အားသာချက် အားနည်းချက်များ ရှိသော်လည်း လက်အောက်ငယ်သားများကို ဦးဆောင်နိုင်စွမ်းရှိပေသည်။ ၄င်းအပြင် လက်အောက်ငယ်သားများ ဒုက္ခရောက်စေမည့် စိတ်သဘောထား အလျှင်းမရှိချေ။ ဥပမာ တပ်သားတစ်ယောက်၏အမှားကို တပ်စုတစ်စုလုံး၌ တာဝန်ရှိသည်ဟူ၍ တပ်သားများကို ရိုက်နှက်ပြစ်ဒဏ်ပေးခြင်းမျိုးမလုပ်ချေ။ အမှားပြုလုပ်သူ တပ်သားကိုသာ အပြစ်ကျခံစေလေသည်။

ကာလကြာလာသည်နှင့်အမျှ သာမန် တပ်သားများ၏ဘဝ ကြီးစွာသော ဒုက္ခများကိုခံစားခဲ့ဘူးသူ ဖြစ်သည့်အလျှောက် မိမိတပ်သားများ၏ ခံစားချက်ကို နားလည် စာနာချင်းဖြစ်ပေမည်။ ဤအတွက်ကြောင့်လည်း တပ်ရင်းတစ်ခုလုံးမှ တပ်သားများ၏ ယုံကြည်လေးစားမှုကို ခံရလေသည်။

တခါက ချီတက်ရာလမ်းခရီးတွင်  ရွာထဲမှ ကြက်ဖ အကောင်ကြီးကြီးများကို ရှာဝယ်ပြီး လှည်းဖြင့်တင်လာခဲ့သည်။ ကြက်ပွဲပြုလုပ်၍ ဤရွာမှ တံခွန်စိုက်ကြက်ဖ ရှာမည်ဆိုသောကြောင့် ရွာမှလူများလည်း စခန်းချရာသို့ ရောက်ချ လာကြလေသည်။ ရှုံးသည့်ကြက်များက တပ်သားများအတွက် အသားကင် ဟင်းလျာဖြစ်မည်ဆိုသောကြောင့် တပ်သားများလည်း သဘောကျကြ၏။ ကြက်များအတွက်မှာမူကား ပြေးမလွတ်သော တိုက်ပွဲနှင့် ကြုံကြရလေသည်။

တပ်သားများသည် ပင်ပမ်းနွမ်းလျသော ချီတက်လာသည့် ခရီးကို တဒင်္ဂ မေ့ပျောက်ခါ ည သန်းခေါင်ယံ တိုင်အောင် မြူးနေခဲ့ကြလေသည်။ မစားရသော်လည်း အခြားတပ်စုမှ တပ်သားများကလည်း ဤပွဲကြောင့် အပျင်းပြေကာ ပျော်မြူးကြလေသည်။

ယာမဒါသည် မည်သည့်အချိန်က လေ့လာလိုက်မှန်းမသိရပဲ မြန်မာစကားကို တဖြည်းဖြည်း ကျွမ်းကျင်လာကာ ဒေသခံများနှင့် နေ့စဉ်သုံး စကားများကို ကောင်းစွာပြောဆိုနိုင်လေသည်။ ဤအချက်သည် မည်သူနှင့်မှ မတူသော သူ၏နေ့စဉ်ထူးခြားချက်ဖြစ်သည်။ ရမည်းသင်းတွင် ၇၃ ဆံပင်ပုံစံကို ဖီး၍ အကျ င်္ီနှင့် လုံချည်ကိုဝတ်ထားပါက မြန်မာလူမျိုးနှင့် ခွဲမရသော သူ့ကို မြို့တွင်း၌ ဟိုဟိုဒီဒီ တွေ့ရတတ်ပေသည်။

“မာစတာ အများကြီး ကောင်းတယ်” ဟူသော အသံဖြင့် သူ့ကို ပြုံးပြုံကြီး နှုတ်ခွန်းဆက်ကြသော လူများ ဝိုင်းဝိုင်းလည်နေသည်ကိုလည်း တွေ့ရတတ်သည်။

များမကြာမီ ဒေသခံများက သူ့ထံသို့ ပြဿနာများကို ဆွေးနွေး အကြံဥာဏ် တောင်းခံရန် လာကြသူ များပြားလာပြီး ဥာဏ်ပူဇော်ခကို ကျေးဇူးဆပ်သောအားဖြင့် နေ့စဉ်သုံးပစ္စည်း လက်ဆောင်များလည်း ယူလာကြလေသည်။

လက်တွင် ညိုမဲနေသော လူကိုမြင်သောအခါ ကျွန်တော့်ဖက်သို့လှည့်၍-

“ဆရာဝန်နဲ့ စမ်းသပ်ကြည့်ရင် ကောင်းမယ်ထင်တယ်”ဟုဆိုကာ မမျှော်လင့်ဘဲ ကျွန်တော့်ကို အကူအညီတောင်းလေသည်။ ကျွန်တော်လည်း မငြင်းသာနိုင်တော့ဘဲ ဤကဲ့သို့ သော စေတနာ့ဝန်ထမ်း အဖြစ်မျိုး မကြာမကြာ ကြုံရလေသည်။

တခါက အမျိုးသမီးရောဂါနှင့်ပတ်သက်၍ စမ်းသပ်စစ်ဆေးရမည့် လူနာသည် လူရွယ်အမျိုးသား ဖြစ်နေလေသည်။ သားဖွားခြင်းနှင့်ဆိုင်သောရောဂါဟု ကြားရသောကြောင့် လူနာသည် အမျိုးသမီးဟု ထင်မိတာ မှားနေလေသည်။

မြန်မာပြည်တွင် ဖိုမဆက်ဆံရေးကြောင့် ကူးစက်လာသောရောဂါကို သားဖွားမီးယပ်ရောဂါတွင် ထည့်သွင်းထားပုံရလေသည်။ ဤလူနာသည် ဖိုမဆက်ဆံရေးနှင့် မဆိုင်ချေ။ သားဖွားလမ်းကြောင်း ပုံမမှန်ရခြင်းမှာ နာတာရှည်ရောဂါကြောင့် ဒူးတွင် ယောင်နေပြီး ကွေး၍မရဘဲ ဖြတ်ထုတ်ရန်မှလွဲ၍ အကောင်းပြန် မဖြစ်နိုင်တော့ချေ။

ရမည်းသင်းတွင်ဖြစ်သည်။ တစ်နေ့တွင် အမှတ်(၆)တပ်ခွဲမှ ဗိုလ်အအိုးခိ သည် ယာမဒါထံသို့ အလည်အပတ်ရောက်လာကာ-

“ဒီနေ့ ဈေးထဲမှာ မိန်းခလေးချောချောလေး တစ်ယောက်တွေ့ခဲ့တယ်။ အဲဒီမိန်းခလေးကို ပုံကြမ်းဆွဲချင်လို့။ ခင်ဗျား အဲဒီမိန်းခလေးကို ကိုယ်ဟန်ပြပေးလို့ ရမလားလို့ မေးပေးနိုင်မလား။”ဟုဆိုကာ အမည်လည်းမသိ လိပ်စာလည်းမသိသော ကိစ္စကို အကူအညီတောင်း လေသည်။

ရက်အနည်းငယ်ကြာပြီးနောက် ယာမဒါနှင့် ဗိုလ်အအိုးအိတို့ ဈေးဝယ်ထွက်ကြရာ အခန့်သင့်ပင် ထိုမိန်းခလေးကို မိသားစုနှင့်အတူ တွေ့ရလေသည်။ ကပြာကယာပင် ထိုမိန်းခလေးကို ဗိုလ်အအိုးခိ၏ဆန္ဒကို ပြောပြလေရာ ချက်ချင်းပင် လက်ခံလိုက်လေသည်။ ဗိုလ်အအိုးခိသည် ပန်းချီနှင့်ပတ်သက်၍ ထိုမိန်းခလေးကို ပုံကြမ်းရေးဆွဲစဉ်အချိန်က အပျော်ထမ်းအဆင့်သာ ရှိသေးသည်။ တပ်စခန်းတွင် အချိန်အားရသည့်အခါတိုင်း မြန်မာပြည်ရှုခင်းများကို ရေးဆွဲစုဆောင်းထားတတ်ပြီး အလွန်လက်ရာမြောက်သောပုံများဖြစ်၍ မြင်ရသူတိုင်း အငမ်းမရ လိုချင်မက်မောကြလေသည်။

ယာမဒါသည် ပတ်တရောင်နှင့်ပတ်သက်သော သင်တန်းဆရာအဖြစ် တာဝန်ပေးခံရပြီး အရှေ့ဖက် ဒေသသို့ ထွက်ခွါရလေသည်။ ထိုဒေသတွင် မြေမျက်နှာပြင်အခြေအနေများကို လှည့်လည်ကြည့်ရှုရလေရာ မြို့နှင့်ဝေးကွာသောနေရာတွင် သပ်ရပ်လှပသော အိမ်တစ်လုံးကိုတွေ့ရလေသည်။ ထိုအိမ်ကို သစ်ပင်ကြီးများက အုပ်ဆိုင်းလျှက် အပြင်မှ အပူလှိုင်းများဒဏ်ကို အကာအကွယ်ပေးထားလေသည်။ ထိုအိမ်သည် မပြုပြင်မထိမ်းသိမ်းနိုင်တော့သော အနေအထားတွင်ရှိပြီး မိဖနှင့် သားသမီး အပါအဝင် မိသားစု ၅ယောက်နေထိုင်ကြလေသည်။ ယာမဒါကို ပျူငှာစွာဆီးကြိုကြပြီး မိသားစုအားလုံးက ဧည့်ဝတ်ပြုကြသည်ဟုဆို၏။

ထိုအခါမှစ၍ ယာမဒါက အကြိမ်ပေါင်းများစွာ သမီးပျိုရှိသောအိမ်သို့ အလည်အပတ် သွားသောကြောင့် သူမအပေါ်တွင် ချစ်ခင်တွယ်တာစိတ် ဖြစ်ပေါ်လာခဲ့လေသည်။

သူမနာမည်က ခင်လေး၊ အသက်က၂၀၊ သဘာဝအတိုင်း ပင်ကိုယ်ချောသူဖြစ်သည်။ ကျွန်တော်လည်း ယာမဒါက ခေါ်လွန်းသဖြင့် ထိုအိမ်သို့ ၃ခေါက်ခန့် ရောက်ဖူးလေသည်။ ဘေးလူများကကြည့်လျှင်ပင် သူမ၏မျက်လုံးများက ယာမဒါကို နှစ်သက်သည့် အရောင်များဖြင့် တဖိတ်ဖိတ်တောက်နေသည်ကို တွေ့ရလေသည်။

သူ့သဘောထားကိုမေးကြည့်တော့-

“သူ့ရဲ့ကြင်နာတဲ့မျက်လုံး၊ နက်မှောင်ရှည်လျားတဲ့ဆံပင်၊ ချစ်စရာနှုတ်ခမ်း၊ ရှိုက်ဖိုကြီးငယ် အသွယ်သွယ်တွေက အပူပိုင်းဒေသရဲ့ အလှတပါးကို ဖော်ပြနေတာတော့ အမှန်ပဲ။”

ငယ်ရွယ်သော ယာမဒါရဲ့ နှလုံးသွေးလည်ပတ်မှုတွေဟာ ဆူပွက်နေမှာ သေချာပေသည်။

မာလာယုရေလက်ကြားတွင် စစ်ရေးအခြေအနေမလှသောကြောင့် ကျွန်တော်တို့ တပ်သည် ချီတက်ရန် အမိန့်ရထားပြီးဖြစ်လေသည်။ ၁၉၄၃ခုနှစ် ဖေဖော်ဝါရီလလည်တွင် တပ်ရင်းသည် ရမည်းသင်းမှခွါ၍ ရခိုင်ရိုးမဆီသို့ ထွက်ခွါ လာကြရလေသည်။

ဤသတင်းကိုကြားသိရသော ခင်လေးသည် မိမိခံစားရချက်ကို စာရေး၍ အောက်ဖော်ပြပါမြန်မာ သီချင်းနှင့်အတူ သူမ၏နက်မှောင် ရှည်လျားသော ဆံပင်ကိုပါဖြတ်၍ ထည့်ပေးလိုက်လေသည်။

ဤသီချင်းသည် မြန်မာပြည်တွင် မိမိနှစ်သက်သည့် ချစ်သူမောင်ကို ရည်ရွယ်၍ ဖွဲ့ဆိုထားသောသီချင်းဖြစ်သည်ဟူသတတ်။

ကုန်သည်များအသင်းနှင့် ကမ္ဘာ့မွေးချင်းမြို့တော်များ ယဉ်ကျေးမှု

Chamber of Commerce and Sister Cities International Culture

ကုန်သည်များအသင်းယဉ်ကျေးမှုသည် ၁၅၉၉ခုနှစ် ပြင်သစ်ပြည် မာဆေးလ်မြို့ကုန်သည်ကြီးများက စခဲ့ပြီး အမေရိကန်ပြည်၌မူ ၁၇၆၈ခုနှစ်တွင် နယူးယောက်မြို့ကုန်သည်ကြီးများက စခဲ့ကြခြင်းဖြစ်ပါသည်။ မြန်မာနိုင်ငံ၏ ကုန်သည်ကြီးများအသင်းသည် ၁၉၁၉ခုနှစ် ဗြိတိသျှကိုလိုနီလက်ထက်တွင် ထူထောင်ခဲ့ပေ သည်။

Marseille Chamber of Commerce

ယေဘူယျအားဖြင့် ကုန်သည်များအသင်းသည် ပရဟိတ အသင်းတစ်မျိုးသာလျှင်ဖြစ်ပြီး အသင်းဝင်များအား၎င်း၊ စီးပွားရေးလုပ်ငန်း စတင်လုပ်ကိုင်လိုသူတို့အား၎င်း၊ လိုအပ်သော သတင်းအချက်အလက်များ ရှာဖွေကူညီရန် ရည်ရွယ်ချက်ဖြင့် ဖွဲ့စည်းထားခြင်းဖြစ်သည်။

စီးပွားရေးလုပ်ငန်းတစ်ခုစတင်ရန်အတွက် ကုမ္ပဏီဖွဲ့စည်းခြင်းဆိုင်ရာ ဥပဒေကျင့်ဝတ်များ၊ ရောင်းခြင်း ဝယ်ခြင်းဆိုင်ရာ ဈေးကွက် အဆက်အသွယ်များ၊ အခွန်နှင့်သက်ဆိုင်သော ကိစ္စရပ်များ၊ အလုပ်သမားများရေးရာကိစ္စရပ်များ၊ မိမိလုပ်ငန်း တိုးတက်ဖွံ့ဖြိုးရန် ငွေကြေးဆိုင်ရာ အထောက်အပံ့များ၊ နည်းပညာများကို လက်တွေ့ကျကျ ဆက်သွယ်ပေးနိုင်သော ဌာနဖြစ်သည်။

၎င်းအပြင် ဒေသတွင်းသာမက နိုင်ငံတကာအဆင့် အစိုးရ၏ စီးပွားရေးဖွံ့ဖြိုးမှု စီမံကိန်းများတွင် ပါဝင်ပတ်သက်သောကြောင့် အစိုးရက စီးပွားရေးဆိုင်ရာ မူဝါဒများ၊ ဥပဒေများချမှတ်ရာတွင် လုပ်ငန်းရှင်များဖက်မှ အကျိုးစီးပွားကို အရေးဆိုပေးသော ကိုယ်စားလှယ်လည်းဖြစ်ပေသည်။

ကုန်သည်များအသင်းသည် လုပ်ငန်းရှင်များအတွက် ဖွဲ့စည်းထားသည်ဟု ဆိုသော်လည်း စီးပွားရေးလုပ်ငန်းများနှင့် စားသုံးသူများသည် တိုက်ရိုက်ဆက်နွယ်နေသောကြောင့် စီးပွားရေးလုပ်ငန်းများဖွံ့ဖြိုးတိုးတက်ပါမှ လူများ၏စားဝတ်နေရေး လူနေမှုအဆင့်အတန်း မြင့်မားလာနိုင်မည်ဖြစ်ရာ လူ့ဘောင်အဖွဲ့အစည်းတစ်ရပ်လုံး လုံခြုံမှုရှိရန်၊ သဘာဝပတ်ဝန်းကျင်ထိန်းသိမ်းရန်၊ သဘာဝဘေးအန္တရာယ်များ ကြိုတင်ကာကွယ်ရန်၊ စီမံကိန်းများ၊ ဥပဒေပြုမှုကိစ္စရပ်များတွင်ပါ  အစိုးရနှင့်အတူ ပူးတွဲပါဝင်ကြရလေသည်။

ကမ္ဘာ့မွေးချင်းမြို့တော်များ ယဉ်ကျေးမှုသည် ၁၉၅၆ခုနှစ် အမေရိကန်သမတ အိုင်စင်ဟောင်ဝါလက်ထက်မှ စတင်ခဲ့သော လူတစ်ဦးချင်းမှ လူတစ်ဦးချင်းဆီသို့ တည်ဆောက်သော အမေရိကန်ပြည်ထောင်စုနှင့် နိုင်ငံတကာပြည်သူများအကြား သံတမန်ဆက်ဆံရေးဖြစ်သည်။ မြို့ပြဆိုင်ရာအဆင့်ဖြင့် ယဉ်ကျေးမှုကိစ္စရပ်များတွင် အပြန်အလှန် နားလည်မှုရကာ စီးပွားဖွံ့ဖြိုးရေးကိစ္စရပ်များတွင် နိုးကြားတက်ကြွလာအောင် ပူးပေါင်းကူညီပေးခြင်းဖြင့် လူသားအချင်းချင်း အကြား ငြိမ်းချမ်းသော တိုးတက်သော ကမ္ဘာကြီးကို တည်ဆောက်ရန် ရည်ရွယ်ခဲ့ပေသည်။

Cherry Blossom and Washington DC

ကမ္ဘာ့မွေးချင်းမြို့တော်များကော်မီတီသည်လည်း ပရဟိတ အသင်းတစ်ခုသာလျှင်ဖြစ်ပြီး အသင်းအဖွဲ့တခုခုကသော်၎င်း၊ လူတစ်ဦးချင်းကသော်၎င်း ကမ္ဘာ့မွေးချင်းမြို့တော်များကော်မီတီသို့ အသင်းဝင်နိုင်လေသည်။ http://www.sister-cities.org/ ကမ္ဘာ့မွေးချင်းမြို့တော်များကော်မီတီတွင် လက်ရှိအမေရိကန်သမ္မတသည် ဂုဏ်ထူးဆောင်ဥက္ကဌဖြစ်သည်။

ကမ္ဘာ့မွေးချင်းမြို့တော်များကော်မီတီသည် အသင်းဝင်များအား မိမိတို့ သက်ဆိုင်ရာ ယဉ်ကျေးမှု၊ ပညာရေး၊ စီးပွားရေးဆိုင်ရာ စီမံကိန်းများ အကောင်အထည်ဖော်ရာတွင်  လိုအပ်သော သတင်းအချက်အလက်များ၊ ငွေကြေး၊ နည်းပညာ အထောက်အပံ့များကို အကူအညီပေးလေသည်။

အသင်းဝင်များသည် ကမ္ဘာ့မွေးချင်းမြို့တော်များကော်မီတီက ကျင်းပပြုလုပ်သော ကမ္ဘာအရပ်ရပ်ရှိ အားကစား၊ အနုပညာ၊ ပညာရေး၊ ကျန်းမာရေး၊ စီးပွားရေး၊ ပတ်ဝန်းကျင်ထိန်းသိမ်းရေး၊ အစီအစဉ်များတွင် ပါဝင်ခွင့်၊ ဆွေးနွေးခွင့်၊ နှီးနှောဖလှယ်ခွင့် ရကြလေသည်။

၎င်းအပြင် မိမိတို့မြို့ကို နိုင်ငံရပ်ခြားရှိမြို့တခုခုနှင့် မွေးချင်းမြို့ချင်း သံတမန်ဆက်ဆံရေး တည်ဆောက်နိုင် ပေသေးသည်။ နှစ်ဖက်မြို့တော်ဝန်များက တရားဝင် သဘောတူညီချက် လက်မှတ်ရေးထိုးကြကာ ချစ်ကြည်ရေး တည်ဆောက်ကြခြင်းဖြစ်သည်။ နှစ်ဖက်မြို့တော်မှ စီမံခန့်ခွဲရေးအရာရှိများ၊ ဥပဒေပြုရေးအရာရှိများ၊ ကုန်သည်ကြီးများ၊ ပညာရေး၊ ကျန်းမာရေးဆိုင်ရာ တတ်သိပညာရှင်များ၊ ပရဟိတအသင်းများမှ ကိုယ်စားလှယ်များက ကျယ်ကျယ်ပြန့်ပြန့် ပါဝင်၍ ၂နိုင်ငံလူမှုအသိုင်းအဝိုင်း ဖွံ့ဖြိုးတိုးတက်စေရန် အခက်အခဲများကို လက်တွဲ၍ အဖြေရှာကြခြင်းဖြစ်သည်။

ဤယဉ်ကျေးမှုသည် ကမ္ဘာတဝှမ်း အတော်ရေပမ်းစားလာကာ နှစ်နိုင်ငံချစ်ကြည်ရေး ဖွံဖြိုးတိုးတက်ရေး လုပ်ငန်းများတွင် တစ်တပ်တစ်အားဖြင့် နိုင်ငံတော်အစိုးရများအား အထောက်အကူ ပြုလျှက်ရှိပေသည်။

ဆန်ဖရန်စစ္စကိုမြို့သည် ၁၉၅၇ခုနှစ်မှစတင်၍ အိုဆာကာမြို့နှင့် မွေးချင်းမြို့များအဖြစ် ချစ်ကြည်ရေးခရီး တည်ဆောက်လာခဲ့ရာ ၂၀၁၂ခုနှစ်တွင် ကမ္ဘာအရပ်ရပ်၌ မွေးချင်းမြို့ပေါင်း ၂၁မြို့ရှိသွားခဲ့ပြီဖြစ်သည်။

ဆန်ဖရန်စ္စကိုမြို့သည် ကမ္ဘာပေါ်တွင် လူမျိုးစုပေါင်းစုံ အများဆုံး အခြေချနေထိုင်ရာမြို့ဖြစ်ပြီး၊ ယဉ်ကျေးမှုအစုံဆုံး၊ နည်းပညာအတိုးတက်ဆုံး၊ အတီထွင်နိုင်ဆုံး၊ သဘာဝပတ်ဝန်းကျင်ကို ဂရုအစိုက်ဆုံး၊ အမျိုးသမီးများအခွင့်အရေးကို အာမအခံဆုံး၊ ကမ္ဘာ့ငြိမ်းချမ်းရေးအတွက် ကမ္ဘာ့မိသားစုဝင်တစ်ဦးချင်း အခွင့်ရေးကို ဂရုအစိုက်ဆုံးမြို့အဖြစ် သမိုင်းမှတ်တိုင်များ စိုက်ထူနိုင်ခြင်းမှာ ကမ္ဘာ့မွေးချင်းမြို့တော်များ ယဉ်ကျေးမှု တည်ဆောက်နိုင်ခြင်း တစ်နည်းအားဖြင့် အစိုးရကြောင့် မူဝါဒကြောင့်မဟုတ်ပဲ မြို့သူမြို့သားများကြောင့်သာ ဖြစ်ပေသည်။

Moscone Center and Solar Panel Roof

ဆန်ဖရန်စ္စကိုမြို့သည် မြန်မာပြည်သူတို့နှင့် တစ်သားတည်း ရပ်တည်ကာ ၁၉၉၆ခုနှစ်က မြန်မာပြည်ထွက်ကုန်စည်များကို ပိတ်ခဲ့သော မြို့လည်းဖြစ်ပေသည်။

ယခုနှစ် စက်တင်ဘာလတွင် ဆန်ဖရန်စစ္စကိုမြို့သို့ နိုဘယ် ငြိမ်းချမ်းရေးဆုရှင် မြန်မာ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် အလည်အပတ် လာရောက်သည်မှအစပြု၍ ဆန်ဖရန်စစ္စကို မြို့သူမြို့သားများက  ပွင့်လင်းလာသော မြန်မာနိုင်ငံ၏ ရန်ကုန်မြို့တော်သူ မြို့တော်သားများနှင့် နှစ်နိင်ငံ ချစ်ကြည်ရေး၊ ဖွံဖြိုးတိုးတက်ရေးလုပ်ငန်းရပ်များတွင် အားပေးကူညီ၊ ပူးပေါင်းပါဝင်နိုင်ရန် ကြိုးပမ်းလျှက်ရှိပေသည်။

ယခုလကုန်တွင် မြို့တော်ဝန်ကတော် မစ္စစ် အနီးတာလီးဦးဆောင်သော ဆန်ဖရန်စစ္စကို-ရန်ကုန် မွေးချင်းမြို့တော် ရှေ့ပြေးကော်မီတီအဖွဲ့သည် ရန်ကုန်သို့ သွားရောက်ကြမည်ဖြစ်သည်။ မြန်မာပြည်သူများ၏ အခက်အခဲ လိုအပ်ချက်များကို နားထောင်ကြမည်။

မောင်နှစ်မ မတော်ရသေးသော  ရန်ကုန်မြို့တော်သူမြို့တော်သားများ၏ နှလုံးသား တံခါးများကို ဆန်ဖရန်စစ္စကိုမြို့သူမြို့သားများက မျှော်လင့်ချက်သော့များ၊ ငြိမ်းချမ်းရေးသော့များဖြင့် စတင် ဖွင့်လှစ် လာနိုင်မည်ဟု ယုံကြည်ရပေသည်။

၁၁၊ ၁၅၊ ၂၀၁၂။

Google Map, GPS and Bok Kai Temple

ဧပြီ၁၇ရက်နေ့ အခွန်ရာသီ ပြီးသွားပြီးနောက် လမ်းထွက်ချင်နေမိလေသည်။ ရာသီဥတုကလည်း အမြင့်ဆုံးအပူချိန် ၅၈-၆၅ဒီဂရီဖါရင်ဟိုက်ရှိရာမှ စနေ တနင်္ဂနွေတွင် ရုတ်တရက် ၈၀-၉၀ဒီဂရီဖါရင်ဟိုက်သို့ တက်သွားလေရာ နွေဦးပေါက်ရာသီမှ ငှက်များကဲ့သို့ အိမ်ထဲတွင် ငြိမ်မနေနိုင်တော့ပေ။

မကြီးသည် ပူလာသဖြင့် အလွန်ပျော်၍-

“နွေပေါက်လာပြီထင်တယ် ဂွမ်းစောင်တွေသိမ်းလိုက်တော့မှ။”

“သိပ်မချီးမွမ်းနဲ့အုံး မကြီးရေ Heat Wave တွေလာနေလို့၊ မေလထဲရောက်တော့မှ ပုံမှန်ဖြစ်မှာ။”

တနင်္ဂနွေနေ့ မနက်၁၀နာရီတွင် အန်တီအိထံမှ ဖုံးဝင်လာ၏။

အန်တီအိသည် စကာင်္ပူမှာ မလေးတရုတ်နှင့်အိမ်ထောင်ကျပြီး ရောက်လာသူနွယ်နီနှင့် ဂျပန်မှမျိုးမင်းထွဋ်၏ အမေဖြစ်ပြီး လူသေလူဖြစ်ရှင်ဥက္ကဌ၏ဒါယိကာမိသားစုမှ ဆင်းသက်လာသူဖြစ်သည်။ ခရီးသွားခြင်း စာဖတ်ခြင်း အလွန်ဝါဿနာပါသူဖြစ်ပြီး မြန်မာပြည်တွင်းရော နိုင်ငံခြားခရီးပါ အတော်သွားသူဖြစ်လေသည်။ တမလွန်ဘဝများ နတ် ဘိုးတော် ဗေဒင်ယတြာများကို လုံးဝအယုံအကြည်မရှိ။ သူနှင့်ဆန့်ကျင်ဖက် သမီးဖြစ်သူနွယ်နီနှင့် အန်တီအိ၏မောင်ဖြစ်သူ ကိုသိန်းတိုးတို့သည် နတ်များ အဓိဌာန်များ ပူဇော်ပသခြင်းများ၊ အလှူဒါနပြုခြင်းများဖြင့် ဝါဿနာထုံကြလေရာ ဤကိစ္စများနှင့်ပတ်သက်လျှင် နှံ့စပ်ကြလေသည်။

“နွယ် အင်္ဂါနေ့မှာ ခွဲရမယ်။ ဆေးရုံကဆင်းလာရင် အန်တီအိတော့ တစ်ညသွားစောင့်ပေးလိုက်မယ်။”

“ကောင်းတာပေါ့။ မနေ့က မမမူကတောင် သွား အားပေးရအောင်ဆိုပြီး ဖုံးထဲမှာ massage ထည့်ထားတယ်။ ဌေးဌေးပြန်ရောက်တာ နောက်ကျနေလို့ ပြန်တောင်မဆက်ဖြစ်သေးဘူး။ မနေ့ကလည်း ဝါဝါတို့ဆွမ်းကြွေးဖိတ်လို့ Fremont သွားသေးတယ်။ အန်တီအိ ဒီနေ့ ဘယ်မှမသွားဘူးလား။”

“မသွားဘူး။ အခု San Carlos ကနွယ်နီ့အိမ်မှာ။ မနက်ကတောင် သိန်းတိုးက Sacramento က ဘုံကျောင်းမှာ ဆွမ်းသွားတင်မလို့ဆိုပြီး ခေါ်နေသေးတယ်။ ဝက်ကောင်လုံးကင်တွေရော သစ်သီးတွေရော အကြီးအကျယ်ပဲ။ သူအဓိဌာန်တာအောင်လို့ဆိုပြီး။ မတွေ့ဘူးလား Half Moon Bay ကျောင်း သင်္ကြန်ပွဲမှာလဲ မုန့်ဟင်းခါးစတုဒီသာတွေလှူနေတာ။”

“အော် ဟုတ်လား။ ဟိုနာမယ်ကြီးတယ်ဆိုတဲ့ ဘုံကျောင်းလား။ အမြဲတမ်းမဖွင့်ဘူး appointment နဲ့သွားရတယ် ဆိုတဲ့ ဟာလား။”

“ဟုတ်တယ် အဲဒီဘုံကျောင်းက နှစ်ပေါင်း၁၀၀ကျော်ပြီဆိုပဲ။ ဒီနေ့ သူတို့ အပွိုင့်မန့်လုပ်ပြီး သွားကြတာ။ အန်တီအိတော့ နွယ်နီနဲ့ပါသွားတာ ၃ခေါက်ရောက်ဖူးတယ်”

“ဟယ် ဌေးဌေး တစ်ခါမှမရောက်ဖူးသေးဘူး။ မနွယ်လား ဘယ်သူလဲမသိဘူး ပြောသံကြားဖူးတာ။ ဒီနေ့ဖွင့်တယ်ဆိုရင် သွားကြည့်ရရင်ကောင်းမလားမသိဘူး။ မှီသေးလား ဘယ်သူ့ကိုမေးရမလဲ။”

“နေအုံး သိန်းတိုးကိုဆက်ကြည့်လိုက်အုံးမယ်။” အန်တီအိဖုံးချသွား၏။ မကြီးအား-

“မကြီး Sacramento မှာ နှစ်ပေါင်း၁၀၀ကျော်က ဘုံကျောင်းတခုရှိတယ်။ နာမယ်ကြီးတယ်။ စူးမာတခါမှ မရောက်ဘူးသေးဘူး။ အမြဲတမ်းလည်းမဖွင့်ဘူး။ အပွိုင့်မန့်နဲ့မှ။ အန်တီအိကိုမေးခိုင်းထားတယ်။ သွားမလား။ အန်တီအိပြန်ဆက်လိမ့်မယ်။”

“အေး သွားတာပေါ့။”

အန်တီအိပြန်ဆက်လာ၏။

“သိန်းတိုးက ကားမောင်းနေလို့ ဖုံးနံပါတ်ကြည့်လို့မရဘူး။ နွယ်နီကလည်း night shiff ဆင်းထားလို့ အိပ်နေတယ်။ နေအုံး နွယ်ကိုမေးကြည့်လိုက်မယ်။ မစိုးလည်းသွားဖူးတယ်ပြောတယ်။”

“ဌေးဌေး မစိုးဆီကို ဆက်လိုက်မယ်။”

မစိုး ဖုံးမကိုင်။ ဘယ်သူ့ကိုမေးရင် ရမလဲ။ ဦးခင်မောင်ဦး မတင်တင်ဝင်းကိုဆက်ကြည့်မှ။ သူတို့က Sacramento မှာနေခဲ့တာ။

“အမ Sacramento ကဘုံကျောင်း ရောက်ဖူးလား။ အပွိုင့်မန့်နဲ့မှဖွင့်တယ်ဆိုတာ။”

“ရောက်ဖူးတယ် ရောက်ဖူးတယ်။ သွားမလို့လား။ ပိတ်ရက်ဆိုရင် ဖွင့်တတ်တယ်။ ဖုံးဆက်ကြည့်လိုက်။”

“အမ ဖုံးနံပါတ်သိလား။”

“မသိဘူး။ သူ့ website ရှိတယ်။ Bok Kai Temple ခေါ်တယ်။ ဝက်ဘ်ဆိုက်မှာတက်ကြည့်လိုက်။”

ဖုံးချလိုက်ပြီး-

“မကြီးရေ ဘုံကျောင်းနာမယ်သိရပြီ။ ဝက်ဘ်ပေါ်တက်ပြီး ဖုံးနံပါတ်ရှာလိုက်မယ်။”  

ဖုံးဆက်ကြည့်လိုက်ရာ-

“၃နာရီအထိဖွင့်မယ်။ ၂နာရီခွဲရောက်အောင်လာ။ နင်တို့ Sunnyvale ကလာရင် အခုချက်ချင်းထွက်မှ ရောက်နိုင်မယ်။ အခု၁၁နာရီခွဲနေပြီ။”

“အိုကေ အခုထွက်လာမယ်။”

ဖုံးချပြီး-

“မကြီး ထမင်းဗူးထည့်။ အခုထွက်မှရမယ်။ ၂နာရီလောက်မောင်းရမှာ။”

Google မှမြေပုံထုတ်ကာ လမ်းညွှန် print လုပ်နေရပြန်သည်။ ဘုံကျောင်းက မြေပုံတင်ထားသော်လည်း လိပ်စာကိုရေးမထားပဲ PO Box သာပါ၏။ 

အိမ်က GPS (Global Positioning System)သည် အလယ်အလတ်စားသာဖြစ်၍ လူသိများသော လည်ပတ်စရာ၊ ဈေး၊ စာတိုက်၊ ဟိုတယ် စသည်များပါဝင်သော Point of Interest list တွင်ရှာမတွေ့ပါက လမ်းထဲကျမှ ရွာလည်ကာ ဟိုဖုံးလှမ်းဆက် ဒီဖုံးလှမ်းဆက် ဖြစ်နေလေမည်။ သူ့မြေပုံထဲမှ SR-65 ကိုသာအကြမ်းပြင်းမှတ်ထားကာ ထွက်ရန်ပြင်ဆင်ရတော့သည်။

အန်တီအိထံမှ ဖုံးဝင်လာပြန်၏။

“ဌေးဌေးရေ နွယ်က ဖုံးနံပါတ်မသိဘူး။ နွယ်ဆီမှာ မမမူရောက်နေလို့ သွားဖြစ်ရင် ဆရာ Allan အတွက်ဆုတောင်းပေးခဲ့ပါလို့ မှာနေတယ်။”

မမမူဆီက အော်ဒါတော့ရပြီ။ မနွယ်အတွက်ပါဆုတောင်းပေးရမည်။ သူကသဘက်ခါခွဲရမှာ။ မကြီးသမက် ဖိုးသားလည်း မလေးရှားမှာ ဆေးရုံတက်နေ၏။

“ဖုံးဆက်လိုက်ပြီ အန်တီအိ။ မတင်တင်ဝင်းပြောပြလို့ ဝက်ဘ်ဆိုက်ကရတယ်။ အခုထွက်တော့မှာ။ အန်တီအိကို ဝင်ခေါ်မယ်။”

“ဟင် အန်တီအိပါလိုက်ရမှာလား။ ဒါဆိုရင် Nomandy ကိုထမင်းကျွေးလိုက်အုံးမယ်။”

နော်မန်ဒီသည် ၁၂နှစ်အ၇ွယ်ရှိသော နွယ်နီ့သားဖြစ်သည်။

အိမ်ကထွက်တော့ ၁၂နာရီ၁၀မိနစ်ရှိနေပေပြီ။ မြေပုံမှ သတင်းအရ အိမ်မှဘုံကျောင်းအထိ စုစုပေါင်း၁၆၄မိုင်မောင်းရမည်။ ၂နာရီခွဲနဲ့မရောက်နိုင်။ အန်တီအိကို ဝင်ခေါ်ရအုံးမည်။ ၃နာရီမထိုးခင်တော့ ရောက်အောင်မောင်းရမှာပဲ။

အန်တီအိကိုကြိုပြီးချိန်မှာ ၁နာရီထိုးရန်၁၅မိနစ်။ မှီပါ့မလား မသိ။

မကြီးကိုမြေပုံဖတ်ခိုင်းကာ ၃ယောက်သားထွက်လာကြလေသည်။ US Highway 101 ကနေ San Mateo Bridge ကိုဖြတ်ပြီး CA Freeway I-880 ပေါ်သို့ရောက်သောအခါ မကြီးက-

“ဟဲ့ ခုမှ Hayward ပဲရောက်သေးတယ်။ ၃ပုံတပုံတောင်မရှိသေးဘူး ၁နာရီကျော်နေပြီ။”

ကားများကိုကျော်တက်လိုက် လမ်းရှင်းလျှင် တစ်နာရီမိုင်၈၀နှုံးဖြင့် မောင်းလိုက် အရှေ့အနောက် ရဲကားများကို သတိထားလိုက်ဖြင့် Oakland ကျော်လာ၏။

 

I-880 မှ I-80 သို့ဝင်သောအခါ ဆန်ဖရန်စစ္စကိုနားဖြတ်သည့်အတွက် ရာသီဥတုပြောင်းသွားလေသည်။ အပူချိန်လျော့သွားသဖြင့် မကြီးက-

“အဲယားကွန်း ခဏပိတ်ရအောင် ငါချမ်းတယ်။ I-80 ထဲမှာ ၇၇မိုင်တောင်မောင်းရအုံးမှာ အခု၂နာရီထိုးတော့မယ်။”

ဘုံကျောင်းမှ ဝန်ထမ်းဆီက ဖုံးဝင်လာ၏။

“နင်တို့လာဖြစ်လား။ အခုဘယ်ရောက်နေပြီလဲ။”

“အိုင် ၈၀ ပေါ်မှာ။”

“ဆာကရာမန်တိုရောက်ပြီလား။”

“မရောက်သေးဘူး။” 

“နင်တို့ ဘာဖြစ်လို့ နောက်ကျနေတာလဲ။”

“မိတ်ဆွေတယောက်ကို ဝင်ခေါ်နေလို့။”

“၂နာရီခွဲမှမရောက်ရင် ငါတော့ တံခါးပိတ်ပြီးပြန်မှာပဲ။”

“မလုပ်ပါနဲ့ ငါတို့က အဝေးကြီးက လာရတာ စောင့်ပါအုံး။ Please Please”

Davis မြို့ရောက်သောအခါ ဆာကရာမန်တိုနှင့်နီးလာသဖြင့် မြေပုံနှင့်တိုက်ရပြန်သည်။

“မကြီး အိုင်-၈၀ကနေ နောက် ဘယ်ပြောင်းရအုံးမလဲ”

“Exit 86 လို့ပြောတယ်။” ကိုယ်မှတ်ထားသော SR-65 နှင့် မကြီးဖတ်ပြနေသော Exit 68 ကိုရောသွားကာ လမ်းကြောင်း 68 ဆိုင်းဘုတ်များတွေ့လေမလား ရှာနေရ၏။

ဆာကရာမန်တိုအဝင်တွင် I-80 နှင့် State Route SR 80 သို့ ၂မျိုးပြနေသဖြင့် ဘယ်ဖက်လိုက်ရမှန်းမသိတော့။ 

ဓါတ်ဆီကုန်သဖြင့် ဆီထည့်ရပြန်သည်။

“အန်တီအိ ဘုံကျောင်းကိုဆက်လိုက်ပါအုံး။ ဆာကရာမန်တိုရောက်နေပြီလို့။” အန်တီအိက-

“သူက နင်တို့ နောက်ထပ်မိနစ်၂၀မောင်းရမယ်။ ၃နာရီမထိုးခင်ရောက်အောင်လာတဲ့။”

“နောက်ထပ်မိနစ်၂၀ဆိုတော့ ဂျပန်လိုဆိုရင် ဂီးရိဂီးရိပဲ။ မှီနိုင်ပါတယ်။”

သို့ရာတွင် I-86 ကိုမတွေ့ပဲ I-5 ကိုသာတွေ့သဖြင့် မကြီး မြေပုံကြည့်ပါအုံးဆိုတော့-

“အန်တီအိ ဖတ်ရင်ကောင်းမယ်ထင်တယ်၊ ကျမသိပ်နားမလည်ဘူး။”

“ဟင် အန်တီအိက မျက်မှန်မပါဘူး။” နွယ်နီကို ဆက်ပြန်၏။

“I-5 Redding ကိုလိုက်ရမှာတဲ့ ပြန်ကွေ့ ပြန်ကွေ့ I-5 Redding ကိုတွေ့လိုက်တယ်။ ပြီးတော့ SR 99 Yuba။ ပြီးရင် SR 70 Marysville။ 3^rd Street မှာထွက် ပြီးရင်ညာကွေ့ အဲဒီနား ရောက်ရင် အမေမှတ်မိပြီ ရပြီ ရပြီ”

SR 99 Yuba ထဲဝင်လာတော့၃နာရီထိုးရန် ၁၀မိနစ်သာကျန်တော့သည်။

“ဘုံကျောင်းက 3rd Street မှာတဲ့ လိပ်စာရိုက်လို့ရပြီ။ မကြီး GPS ထုတ်။”

“ဘာနှိပ်ရမလဲ။”

“Main ကိုသွား”       ဖေါက်(အသံ)

“Enter address”     ဖေါက်

“Enter City”          ဖေါက်

“M-A-R-Y-S-V-I……”   ဖေါက် 

“Marysville ထွက်လာပြီ။ ၃ခုတောင်မှ။”

“CA (ကာလီဖိုးနီးယား)ကိုရွေး။”        ဖေါက်

“Street Name”     ဖေါက်

“3^rd Street”

“ငါဘယ်လိုနှိပ်ရမလဲ ဂဏန်းလဲမတွေ့ဘူး။”

“T-H-I-R-D နှိပ်ကြည့်။”

“မရဘူးဟဲ့။”

“ဒါဆိုရင် ကီးဘုတ်ကို ဂဏန်းကိုပြောင်းလိုက်။”

“ဘယ်လိုပြောင်းရမလဲ ရော့ ဒီမှာကြည့်။”

“ဒီမှာလေ Key board မှာ 123 ပြထားတာ။ အဲဒါကိုနှိပ်။”  မောင်းနေရင်း ကြည့်ရပြန်သည်။    ဖေါက်

“အော် …ပေါ်လာပြီ။ 3^rd Street, 3^rd Ave”

“3^rd Street ကိုယူ။”       ဖေါက်

“အိမ်နံပါတ် ဘယ်လောက်လဲ။”

“မသိဘူး။ နံပါတ်တခုခုနှိပ်လိုက်။”

“123 ထည့်လိုက်ပြီ။”    ဖေါက်

“Firstest Time  ကိုရွေး။”       ဖေါက်

ပြောနေရင်း ဆိုနေရင်း SR 70 လမ်းခွဲကို လွန်သွားပြန်သည်။ တနာရီ မိုင်၈၀နှူံးမောင်းနေသဖြင့် လမ်းခွဲတွင် လိုင်းပြောင်းရန် မမှီလိုက်။ ထိုစဉ် GPS မှ အသံထွက်လာ၏။

“Turn right onto next 1.5 mile”

“ဟော ရှေ့မှာ ပြောင်းလို့ရတယ်တဲ့။”

“Turn left onto SR 70”

SR 70 ပေါ်ရောက်တော့ ၃နာရီထိုးနေပြီ။ ဘုံကျောင်းမှ ဖုံးမြည်ပြန်၏။

“We have to exit 3^rd St, right? And D Street, right?  Please wait Please.”

“I’ll wait 5 more minutes.”

ဘုံကျောင်းရောက်တော့ ၃နာရီ၁၄မိနစ်။

“ဟိုမှာစောင့်နေတယ် ပြေးပြေး။”

ဝန်ထမ်းအမျိုးသမီးက-

“ငါ့ကိုဖုံးဆက်တာ နင်တို့လား။ အတူတူပဲလား။ ငါ့ဖုံးထဲမှာ နံပါတ်၂ခုတွေ့တယ်။ ဧရိယာကုတ် 408 နဲ့ 605။”

“ဟုတ်တယ်အတူတူပဲ။ စောင့်ပေးတဲ့အတွက် ကျေးဇူးအများကြီးတင်ပါတယ်။”

အထဲရောက်တော့ အန်တီအိက အပြေးအလွှား စာချရန် ဝါးကျည်တောက်ဗူးကို ကိုင်လေသည်။

“No. No. No, Not like that. You should worship first. ဒီလိုမလုပ်ရဘူး။ ဘုရား(နတ်)ကိုအရင် ကန်တော့ရတယ်။ သူ့ကို မကန်တော့ဘဲ စာချလို့ အလုပ်မဖြစ်ဘူး။ နင်တို့ ဘာလူမျိုးလဲ။ တရုတ်မဟုတ်ဘူးလား။”

“ဟင့်အင်း ဗမာလူမျိုး။ ဒါငါ့အမ သူဗမာပြည်ကလာတာ။” ထမီဝတ်ထားသော မကြီးကို အားနာလိုငြား မိတ်ဆက်ပေးလိုက်သည်။ သူလည်း နဲနဲပျော့ပြောင်းသွားလေ၏။

“နင်တို့ တစ်ခါမှ စာမချဖူးဘူးလား။”

“ဟင့် အင်း။ ဘယ်လိုလုပ်ရမလဲဆိုတာ ပြောပြပါအုံး။”

အန်တီအိက-

“ငါအရင်က ဒီကိုရောက်ဖူးတယ်။ နင်သိလား မနက်က  ဝက်တွေနဲ့လာတာ ငါ့မောင်ပေါ့။”

“အော် ဟုတ်လား။ နင်တို့ တခါထဲ အတူတူလာရောပေါ့။ ၁၂နာရီမထိုးခင်မှာ ဘုရားကို ဆွမ်းတွေဘာတွေကပ်ရတယ်။ ပြီးမှ နင်တို့ မေးချင်တာကို ခွင့်တောင်းရတယ်။  အဲဒီမှာ ခုံတွေရှိတယ်။ အရင်ကန်တော့လိုက်အုံး။”

ခုံပေါ်တွင် ဒူးထောက်ပြီး ကန်တော့ကြလေသည်။ အန်တီအိ စာချနေသည်ကိုကြည့်၍-

“အန်တီအိ ဘယ်လိုလုပ်ရတာလဲ။”

“ဒီအတုံး၂တုံးကို ပြစ်ချလိုက်။ စုံဆိုရင်မရသေးဘူး။ တခုကမှောက် တခုကလှန်မှ ရတယ်။ ပြီးတော့မှ ဒီကျည်တောက်ထဲက တုတ်တွေကို ခါထုတ်။ တစ်ချောင်းပဲကျရတယ်။ မရရင်ပြန်လုပ်။”

ခဏကြာတော့ အန်တီအိက-

“ရပြီ ဒါ နွယ်အတွက်။”

“ဌေးဌေးဟာရပြီအန်တီအိ။ ၂၆တဲ့။”

“၂၆က ဟောစတမ်းမရှိဘူး။ ပြန်လှုပ်အုံး။”

“အမလေး ဒုက္ခပါပဲ။ အကြာကြီးလှုပ်ရတာ။”

“ဒီမှာ ရပြီ။ ဒါဆရာ အယ်လန်အတွက်။”

မကြီးက- “ငါ့ဟာရပြီ။ နံပါတ်၅။”

“ဟာ စူးမာ(ဌေးဌေး)လဲ နံပါတ်၅ပဲ။”

ဝန်ထမ်းအမျိုးသမီးအား- “ကျေးဇူးအများကြီးတင်ပါတယ်။ နောက်တခါကျရင် သေသေချာချာ ဆွမ်းတွေဘာတွေယူလာပါ့မယ်။” အပြင်ဖက်၌-

“မောလိုက်တာ။ ဒီအပြင်မှာ ခဏထိုင်ပြီး ပရိတ်လေးဘာလေးရွတ် ဆာကရာမန်တိုမြို့စောင့်နတ်ကို အမျှဝေရအောင်။” အန်တီအိက-

“ဒီမှာထိုင်လို့မရဘူး။ ဝင်းအပြင်ထွက်မှ။ သူတံခါးပိတ်ရမယ်။”

“အော် ဟုတ်လား။ အိုကေ။”

နောက်တနေ့ နွယ်နီအိမ်ရောက်လာတော့ ဘုံကျောင်းကိုဝင်လို့ရခဲ့ကြောင်းပြောပြလေသည်။

“အမတို့က တရုတ်စာဖတ်တတ်လား။”

“ဘယ်ကဖတ်တတ်ရမှာလဲ။”

“ဟင် ဒါဆို အခုထိ မဖတ်ရသေးဘူးပေါ့။”

“အေး နောက်မှ ကိုလင်းကြည်အမျိုးသမီး မဂျူးလီဖြစ်ဖြစ် ဒေါ်ထွေးလေးဖြစ်ဖြစ် ကြုံတော့မှဖတ်ခိုင်းလိုက်မယ်။ ဒါနဲ့နေပါအုံး။ စာချတာ ဘယ်လိုချတာလဲ။ င့ါကို အန်တီအိက အဲဒီအတုံး၂တုံးအရင်ပစ်ချဆိုလို့ ငါလည်း ထွေခင်းသလို  တခုကမှောက် တခုကလှန် မဖြစ်မချင်း ပစ်ချလိုက်တာပဲ။”

“အောင်မယ်လေး သေပါပြီ။ သေပါပြီ။ မတတ်တဲ့လူက မသိတဲ့လူကို ဆရာလုပ်လာတာပေါ့။ ဖြစ်မှဖြစ်ရလေ။”

“ဝါး ဟား ဟား။”

“အတုံးတွေ မပစ်ခင် မေးခွန်းမေးရသေးတယ်။”

“ဟုတ်လား။ ငါ ဘာမှ မမေးဘူး။ ဒီအတိုင်းပစ်ပြီး ဒီအတိုင်းပဲလှုပ်ပေးလိုက်တယ်။”

“ဘာမှမမေးရင် ဒီဟောစတမ်းကို ဘယ်လိုအဓိပ္ပါယ်ကောက်မလဲ။”

“အော် အဲလိုလား။ ဝါး ဟား ဟား ဟား။”

၎၊ ၂၇၊ ၂၀၁၂။

ညီညီမောင်က ဘဲဥနှစ်လုံးနဲ့။

မကြီး စီလီကွန်ဗယ်လီရောက်နေသည်မှာ နှစ်လရှိသွားပေပြီ။ အခွန်ရာသီ (Tax season)တွင် ရောက်လာသဖြင့် စူးမာအလုပ်များနေသောကြောင့် ညအိပ်ညနေ ခရီးဝေး ဘယ်ကိုမှ လိုက်ပို့ မပေးနိုင်သေးပါ။

အခွန်ရာသီဆိုသည်မှာ အမေရိကန်ပြည်ထောင်စုတွင် ဖေဖေါ်ဝါရီလမှစတင်၍ ဧပြီလလယ်တိုင်အောင် အလုပ်ရှင်ရော အလုပ်သမားပါ ဝင်ငွေရှိသူမှန်သမျှ အမျိုးမျိုးသော အခွန်ကိစ္စအတွက် အလုပ်များကြရသော ကာလဖြစ်လေသည်။

အလုပ်ရှင်များသည် ဖေဖေါ်ဝါရီလကုန်နောက်ဆုံးထား၍ ပြီးခဲ့သောဘဏ္ဍာရေးနှစ်အတွင်းက လစာနှင့်ငှားရမ်းသော အလုပ်သမားမည်မျှကို လစာ၊ ဆုငွေ စသည် မည်မျှထုတ်ပေးထားကြောင်း၊

ပင်စင်နှင့်ဆိုင်သောအခွန်social Security Tax

ဆေးကုသရေးနှင့်ဆိုင်သောအခွန် Medical Tax

ပြည်ထောင်စုအစိုးရသို့ ဆောင်ရသောအလုပ်သမားများ၏ ဝင်ငွေခွန်Federal Income Tax

ပြည်နယ်အစိုးရသို့ ဆောင်ရသော ဝင်ငွေခွန် State Income Tax နှင့်

အလုပ်လက်မဲ့ဖြစ်သည့်အခါ ယာယီထောက်ပံ့ငွေနှင့်ဆိုင်သောအာမခံခွန် Unemployment Insurance စသည်များကို အသီးသီးဆောင်ထားပြီးကြောင်း အလုပ်သမားများသို့လည်းကောင်း၊ ပြည်ထောင်စုနှင့် ပြည်နယ်အစိုးရသို့လည်းကောင်း အစီရင်ခံရလေသည်။

၎င်းအပြင် မတ်လကုန်နောက်ဆုံးထား၍ ကံထရိုက်ငှားရမ်း၍လုပ်သော အလုပ်အမျိုးစားများအတွက်လည်း မည်၍မည်မျှ ဝန်ဆောင်ခထုတ်ပေးထားကြောင်းကို ကံထရိုက်လုပ်ငန်းရှင်များ၊ ပြည်ထောင်စုအစိုးရနှင့် ပြည်နယ်အစိုးရ အသီးသီးသို့ နှစ်ချုပ်အစီရင်ခံရလေသည်။

ဘဏ်လုပ်ငန်းဌာနများသည်လည်း မိမိတို့ဘဏ်တွင် အကောင့်ဖွင့်ထားသော လူများ၊ လုပ်ငန်းများက ငွေစုလက်မှတ်များ၊ အစိုးရစာချုပ်များ၊ အစုရှယ်ယာစသည်များရောင်းဝယ်မှုမှ မည်၍မည်မျှ အရှူံးအမြတ် ရရှိကြကြောင်းကို အကောင့်ရှင်များ၊ ပြည်ထောင်စုအစိုးရနှင့် ပြည်နယ်အစိုးရသို့ အသီးသီး အစီရင်ခံစာပို့ကြရသည်။

ဤအစီရင်ခံစာများနှင့်အတူ လုပ်ငန်းရှင်များသည် နှစ်ချုပ်အရှူံးအမြတ်စါရင်းကိုဆွဲ၍ ပြည်ထောင်စုအစိုးရနှင့် ပြည်နယ်အစိုးရထံ ဝင်ငွေခွန်ဆောင်ရလေသည်။

လူတဦးချင်းကလည်း ဤအစီရင်ခံစာများနှင့်အတူ ဝင်ငွေခွန်မည်၍မည်မျှကျသင့်ပါကြောင်းကို ပြည်ထောင်စုအစိုးရနှင့် ပြည်နယ်အစိုးရထံ အစီရင်ခံကြရလေသည်။

အလုပ်ရှင်များသည် လစာထုတ်တိုင်း အလုပ်သမားအတွက် ကျသင့်သည့် ဝင်ငွေခွန်အချိုးအစားကို ဖြတ်တောက်၍ ဆောင်ထားပေးပြီးဖြစ်သော်လည်း ဤနှစ်ချုပ်တင်သွင်းသော လူတဦးချင်း၏ တစ်နှစ်တာ အခြေအနေအရပ်ရပ်ပေါ် မူတည်၍ ပြည်ထောင်စုနှင့် ပြည်နယ်အစိုးရတို့က အခွန်လျှော့ပေါ့ကာ ပြန်အမ်းပေးလေ့ရှိသည်။ ထို့ကြောင့် လူများနှင့် လုပ်ငန်းရှင်များအတွက် အခွန်ရာသီတွင် အခွန်ပုံစံများကို ပြင်ဆင်တင်သွင်းပေးသည့် ဝန်ဆောင်မှုလုပ်ငန်းသည် တစ်နှစ်တစ်ခါ ပေါ်လို့လာရပေသည်။ 

လိုင်စင်ရဝန်ဆောင်သူသည် အခွန်ဥပဒေများကို ကျွမ်းကျင်နိုင်နင်းရသည့်အပြင် အခွန်ထမ်းပြည်သူများကလည်း အခွန်သက်သာခွင့်ပေးသော ရင်းနှီးမြှုပ်နှံမှုများ၌ မြှုပ်နှုံတတ်ရန်လိုပေသည်။

အခွန်ရာသီတွင် အစိုးရဌာနများ၊ ဘဏ်များ၊ လုပ်ငန်းရှင်များနှင့် လူများပါမကျန် မိမိတို့သက်ဆိုင်ရာ ဝင်ငွေထွက်ငွေစါရင်းများကို ပြန်စိစစ်ကြရ၍ ပြီးခဲ့သော ဘဏ္ဍာရေးနှစ်က အတွေ့အကြုံများပေါ်မူတည်ပြီး လာမည့်နှစ်အတွက်၊ နောင်ရေးအတွက်၊ နိုင်ငံဘဏ္ဍာတော်အတွက် ပြင်ဆင်ရန် သတိရစေသော ကာလလည်းဖြစ်ပေသည်။

အမေရိကန်နိုင်ငံ၏ အခွန်စနစ်တွင် ဝင်ငွေရသည့်အပေါ် ဝင်ငွေခွန်၊ စားသုံးဝယ်ခြမ်းတိုင်း စားသုံးခွန်၊ အိမ်ဝယ်ထားသဖြင့် အိမ်ခွန်၊ သုံးပြီးသော လျှပ်စစ်နှင့် အခြားအန္တရာယ်ရှိပစ္စည်းများ စွန့်ပစ်သည့်အခါ စွန့်ပစ်ခွန်၊ စုဆောင်း ရင်းနှီးမြှုပ်နှံ၍တိုးပွားလာသည့်အပေါ်တွင်လည်း   ဝင်ငွေခွန်၊ သေဆုံးသည့်အခါ ကျန်ရစ်သူ၏ပစ္စည်းအပေါ်ကောက်ခံသော သေခွန် စသည်ဖြင့် အမျိုးမျိုးသောအခွန်ဥပဒေများရှိရာ ရှောင်ကွင်းသွားတတ်မှသာ အချိန်တန်လျှင် ပရုပ်လုံးမဖြစ်ဘဲ အငြိမ်းစားယူနိုင်မည်ဖြစ်သည်။

စူးမာက အခွန်ရာသီတွင် လုပ်ငန်းအခွန်ကိစ္စနှင့် လူတဦးချင်းအခွန်ကိစ္စများကို ဝန်ဆောင်မှုလုပ်ပေးသဖြင့် ယခုနှစ် စါရင်းပိတ်ရက်ဖြစ်သော ဧပြီလ၁၇ရက်နေ့အထိ အလုပ်များနေရခြင်းဖြစ်သည်။

မကြီးကိုအလည်ခေါ်ထားပြီး အိမ်တွင်တစ်ယောက်တည်း ပစ်ထားသည်ဖြစ်မှာစိုးသည့်အတွက် အိမ်တွင်လုပ်၍ရသောအလုပ်များကို အိမ်မှာသာလုပ်လေသည်။ ရုံးမှ လက်တော့ပ်တစ်လုံးသယ်လာပြီး အိမ်တွင် လက်တော့ပ် တစ်ယောက်တစ်လုံးဖြင့် စကားပြောလိုက် စားသောက်လိုက် မကြီးကိုလည်း ဒီနိုင်ငံကစနစ်တွေ အင်တာနက်တွေသုံးတတ်အောင် သင်ပေးလိုက်ဖြင့် အလုပ်ဖြစ်နေကြလေသည်။

ပျင်းဖို့ဝေးစွ ဖေ့ဘွတ်၊ ဂျီတော့ခ်၊ စကိုက်ပ်ဖြင့် အွန်လိုင်းပေါ်တက်လာတတ်သော ဆွေမျိုးများနှင့် လှည့်ပတ်အာထုလိုက် အီးမေးလ်ပို့လိုက်ဖြင့် ခေတ်မီနေပေသည်။

အင်တာနက်မှ လူ့အခွင့်အရေး၊ ပတ်ဝန်းကျင်ထိန်းသိမ်းရေးများနှင့်ပတ်သက်သော တိုက်တွန်းနှိုးဆော်မှုများတွင်လည်း (Online Petition Campaign) တတပ်တအားပါဝင် တတ်နေလေပြီ။ မြန်မာပြည်မှာ အလုပ်ချည်းကြုံးလုပ်နေခဲ့ရသဖြင့် နားမထောင်အားသော ဟောပြောပွဲများ၊ မဖတ်အားခဲ့သော သတင်းများ၊ မကြည့်အားခဲ့သော ရုပ်ရှင် အငြိမ့်များ၊ မနာအားခဲ့သော တရားတော်များနှင့်လည်း ထိတွေ့ အပ်ဒိတ်(update) ဖြစ်ကာ အဝေးရောက် သမီးများ၊ တူမများနှင့် နေ့စဉ် ပြောစရာတွေရှိနေတတ်လေသည်။

တနေ့တနေ့ သူ့မှာ ဖေ့ဘွတ်ကိုချောင်းနေတတ်ပြီး သူ့သမီးကိုမတွေ့လျှင် -

“ငါ အီးမေးလ်နဲ့ ပို့လိုက်အုံးမယ်။ ဒီကောင်တွေ ခုတောင် ပေါ်မလာသေးဘူး။”ဟုဆိုကာ တနေ့လုံး စာရိုက်နေတတ်၏။

အစက အင်္ဂလိပ်လိုသာ သင်ထားပေးသဖြင့် အဘိဓါန် တစ်အုပ်ဖြင့် သံချေးတက်နေသော သူ့ဦးဏှောက်ကို ကူရလေသည်။

နောက်တော့ မကြီးကို ဒေါက်တာခင်မောင်ညိုချန်ထားခဲ့သော မြန်မာကီးဘုတ်တပ်ပေးလိုက်သဖြင့် သူ့သမီးများထက်တောင် မြန်မာစာလုံးရိုက်ကျွမ်းကျင်နေပေတော့သည်။ သမီးများက မြန်မာစာလုံးမရိုက်ပဲ အင်္ဂလိပ်စာလုံးဖြင့် မြန်မာအသံထွက်ကိုရိုက်ကာ ပို့သဖြင့် “ဖတ်ရခက်လိုက်တာ”ဟုဆိုကာ ဘဝင်မကျချေ။

“ငါ လည်းခုမှပဲ ကိုဖေကျော်ထင်နဲ့ (သူ့ခင်ပွန်း) စါရေးဖြစ်တော့တယ်။ အိမ်မှာတုန်းက စကားပြောဖို့ အချိန်မရှိဘူး။ ဟား ဟား ဟား။ တော် တော် အဆင်ပြေတာပဲ။ (လွန်ခဲ့သော အနှစ်၂၀ကျော်က ဆုံးသွားသော) အဖေ့ကို သတိရလိုက်တာ။”

တနေ့က တူတော်မောင် “ညီညီမောင် စကာင်္ပူရောက်သွားပြီ ကျောင်းဆက်တက်မလို့”ဟု ကြားသဖြင့် အွန်လိုင်းမှ ချတ် (Chat)လုပ်ချင်သောကြောင့် အီးမေးလ်လိပ်စာမေးလေသည်။

“စူးမာဆီမှာ မရှိဘူး။ ဖေ့ဘွတ်မှာ သူ့ကိုရှာပြီး ဖိတ်လိုက်လေ။”

“ဘယ်လို ဖိတ်ရမလဲ”

“ညီညီမောင်နာမယ်ကိုရိုက်ပြီး search မှာရှာလိုက်။ သူ့စာမျက်နှာ ထွက်လာရင် friend ထဲထည့်လိုက်။ သူလက်ခံလိုက်ရင် မကြီး contact စါရင်းထဲမှာ ပေါ်လာလိမ့်မယ်။ ရုံးသွားလိုက်အုံးမယ်။ မရရင် ပြန်လာမှ လုပ်ပေးမယ်။”

အိမ်ပြန်ရောက်သောအခါ-

“ငါ add လိုက်တာတော့ ဝင်နေပြီ။ ငါစာရေးထားတာ ခုထိ စာပြန်မလာသေးဘူး။”

“ဟုတ်လား ကြည့်ရအောင်။ ညီညီမောင် သူ့ profile ဓါတ်ပုံ ပြောင်းသွားလား။”

“ဟင် ငါမသိဘူး။”

“နေအုံး ကြည့်လိုက်အုံးမယ်။ ဟော ပြောရင်း ဆိုရင်း တက်လာပြီ။” မီးစိမ်းပြနေသဖြင့် အွန်လိုင်းပေါ်ရောက်နေ၏။

“အန်တီတဲ့ ခေါ်နေပြီ။ လူမှားနေပြီထင်တယ်။”

“အော် ငါသိပြီ ညီညီမောင် (ဓါတ်ပုံ)က ဘဲဥ၂လုံးနဲ့။ ဒါ တခြား ညီညီမောင်ဖြစ်မယ်။”

“မကြီးကလဲ ဘဲဥမဟုတ်ပါဘူး။ လက်ဖက်ရည်ပုဂံ၂ခွက်ပါ။ ကော်ဖီထဲမှာ ခရင်အမြှူပ်တွေကို အသဲပုံလေးလုပ်ထားတာကို ရိုက်ထားတာ။ လုပ်တော့မယ်။”

“ဟုတ်လား။ ဟား ဟား ဟား။ ငါက အဖြူရောင်၂လုံးမြင်လို့ ဘဲဥ ထင်နေတာ။”

“သူ့ခင်မြာ ကဗျာဆန်နေတာ မကြီးလုပ်မှပဲ ဘဲဥဖြစ်သွားပြီ။”

“ဟား ဟား ဟား။”

၎၊ ၁၁၊ ၂၀၁၂။

ပါးစပ် ဟ လို့ မရလို့ပါ။

မတ်လ ၃၁ ရက် စနေနေ့က မြန်မာအမေရိကန်အမျိုးသမီးမဟာမိတ်အသင်း Burmese American Women’s Alliance BAWA က အသစ်ရောက်လာတဲ့ မြန်မာများကို ဒီနိုင်ငံရဲ့ စား ဝတ် နေရေး ကိစ္စတွေမှာ အခက်အခဲ နည်းရလေအောင် ကူညီနိုင်ဖို့အတွက် အသစ်ရောက်လာသူများနဲ့ မိတ်ဆက်တွေ့ဆုံပွဲလေးလုပ်ပါတယ်။

မကြီးရောက်လာပြီးမှ ဖေဖေါ်ဝါရီလ ၁၈ရက်နေ့ကလည်း အသစ်ရောက်လာသူ မြန်မာများကို အမြဲတမ်းနေထိုင်ခွင့်ကိစ္စ၊ နိုင်ငံသားအဖြစ်လျှောက်ရန်ကိစ္စ၊ မိသားစုခေါ်ရန်ကိစ္စစတဲ့ လူဝင်မှုကြီးကြပ်ရေးဆိုင်ရာကိစ္စတွေမှာ အခက်အခဲမရှိရလေအောင် သက်ဆိုင်ရာ ရှေ့နေများကို ဖိတ်ခေါ်ပြီး ဆွေးနွေး မေးမြန်းပွဲလေးလုပ်ပေးခဲ့ပါသေးတယ်။

BAWA ကို ၁၉၉၉ခုနှစ်က ဒေါ်အောင်ဆန်းစုကြည်ရဲ့ လမ်းညွှန်မှုနဲ့ အမျိုးသမီးတွေရဲ့ အားသာချက်နယ်ပယ်တွေဖြစ်တဲ့ ကျန်းမာရေး၊ ပညာရေး၊ ယဉ်ကျေးမှုကိစ္စရပ်တွေမှာ အမျိုးသမီးတွေရဲ့ စွမ်းဆောင်နိုင်မှု တိုးမြှင့်လာစေဖို့အတွက် ရည်ရွယ်ပြီး ဒီအသင်းကိုဖွဲ့စည်းခဲ့ကြတာပါ။

စနေနေ့အခမ်းအနားမှာ အသစ်ရောက်လာကြသူတွေက မွန်ပြည်နယ် နှစ်ကရင်ကတစ်ယောက်၊ ချင်းပြည်နယ် ဟားခါးနဲ့ တီးတိန်က၂ယောက်၊ ကချင်ပြည်နယ်ကတစ်ယောက်ဖြစ်တယ်။ မကြီးကတော့ ဆွေမျိုးစပ်လို့ ကောင်းသွားတာပေါ့။

BAWA နဲ့ အတူ မြန်မာများကိစ္စကို အကူအညီပေးနေတဲ့ One Developing World http://www.magiclink.net/~odw/ အဖွဲ့မှ ဒါရိုက်တာ ဘာဘီက သြဂုတ်လတုန်းက မြန်မာပြည်သွားခဲ့တဲ့ အတွေ့အကြုံများကိုလည်း ဖေါက်သည်ချပါတယ်။ အဲဒီထဲမှာ လူရွှင်တော်ပါပါလေးရဲ့ ပျက်လုံးလည်းပါတယ်။

တနေ့မှာ ဂျပန်ပြည်က သွားဆေးခန်းတစ်ခုကို မြန်မာတစ်ယောက်ရောက်လာပါတယ်။ သူ့သွားကျန်းမာရေးကိစ္စ ကုသချင်တယ်လို့ ပြောပါတယ်။ ဒါနဲ့ ဆရာဝန်က-

“ခင်ဗျား ဂျပန်ပြည်မှာ ကုရင် ပိုက်ဆံ အများကြီး ကုန်မှာပေါ့။ မြန်မာပြည်ကျမှ ကုပါလား။”

လို့ အကြံပေးပါတယ်။ ဒါနဲ့ အဲဒီမြန်မာက-

“ဟာ မဖြစ်ဘူးဆရာ၊ ဒီမှာပဲ ကုပေးပါ”

“ဟင် ဘာဖြစ်လို့လဲ”

“မြန်မာပြည်မှာ ပါးစပ် ဟ လို့မရဘူး ဆရာရဲ့”

ဝါး ဟား ဟား။

အခု အဲဒီသွားဆရာဝန်က မြန်မာပြည်ကိုရောက်သွားပြီး သွားဆေးခန်းတစ်ခုကို ရောက်သွားပါတယ်။ အဲဒီမှာ သူ့ဆီမှာ သွား လာကုဖူးတဲ့ မြန်မာကို ပြန်တွေ့ပါတယ်။

“ဟင် ခင်ဗျား ဟိုတခါတုန်းက ဂျပန်မှာ သွားလာကုတဲ့လူမဟုတ်လား”

“ဟုတ်ပါတယ် ဆရာ”

“ဂျပန်မှာ သွား လာမကုတော့ဘူးလား”

“အခု ဒီမှာ ကျွန်တော်တို့ ပါးစပ်နဲနဲ ဟ လို့ ရသွားပြီဆရာ”

ဝါး ဟား ဟား။

တရားမျှတသောရွေးကောက်ပွဲကို ဂုဏ်ပြုလျှက်။

၎၊ ၁၊ ၂၀၁၂။

အိုခြင်းဒုက္ခ

တနေ့က အမေနဲ့ စကားပြောရင်း အမေ့ကို နောက်၂နှစ်လောက် အသက်ရှည်အောင်ကြိုးစားပြီးနေပါအုံးလို့ ပန်ကြားလိုက်တယ်။ အမေက-

“နင်တို့ အိုတဲ့ဒုက္ခအကြောင်း မသိသေးဘူး”

ဟုတ်မှာပဲ။ တဆက်တည်းမှာပဲ ဆန်ဟိုဆေးကျောင်းက ဆရာတော်ဦးသုဇန တရားဟောရင်း မေးတဲ့မေးခွန်းကို သတိရသွားတယ်။

မြန်မာသင်္ဘောသားတယောက် နိုင်ငံခြားမှာကွယ်လွန်သွားလို့ သူ့မိခင်က သင်္ကန်း၊ ထီး၊ ဘိနပ်အစုံနဲ့ နိုင်ငံခြားဘုန်းကြီးကျောင်းမှာ လှူပေးပါလို့ ဆရာဦးခင်မောင်ဦးကို အကူအညီတောင်းတယ်။ ဆရာတို့က အိမ်ပြောင်းနေတော့ အလုပ်များပြီး ဒီအလှူက အထမမြောက်နိုင်ဘူးဖြစ်နေတယ်။ မတင်တင်ဝင်းက စူးမာကို အကူအညီထပ်တောင်းတယ်။ ဒါနဲ့ပဲ အလှူတခု စူးမာကမ္မကထလုပ်ဖို့ဖြစ်လာတယ်။ ဆန်ဟိုဆေးကျောင်းမှာ အာရုံဆွမ်းကို နန်းကြီးသုတ်၊ ကြာဇံဟင်းခါးလေးချက်ကပ်ပြီး ရေစက်ချ အမျှဝေပေးလိုက်တယ်။ ဆရာတော်က-

“တကယ်က အချိန်တိုင်း သေနေတာ။ အချိန်တိုင်း အိုနေတာ။ အချိန်တိုင်း နာနေတာ။

သေနေတဲ့ ဒုက္ခ၊ အိုနေတဲ့ဒုက္ခ၊ နာနေတဲ့ ဒုက္ခတွေကို နေ့တိုင်း သတိထားမိလား။”

“ဒုက္ခအနေနဲ့တော့ သတိ မထားမိပါဘုရား။ အသက်၅၀ကျော်လာတဲ့အခါမှာတော့ သေဖက်နီးလာတာ၊ အိုလာတာ၊ နာလာတာကို ပို သတိထားမိပါတယ်ဘုရား။”

“နာတဲ့ဒုက္ခကိုတော့ လူတိုင်း သတိထားမိကြတယ်၊ အိုတဲ့ဒုက္ခ သေတဲ့ဒုက္ခကိုတော့ သတိမထားမိကြဘူး။”

“တင်ပါဘုရား။ ဒုက္ခက ခံသာနေလို့ သတိမထားမိတာလို့ ထင်ပါတယ်ဘုရား။”

အိုလာနေရက်သားနဲ့ အိုခြင်းဒုက္ခကို မမြင်နိုင်ပါလားလို့ ခေါင်းထဲဝင်လာတယ်။ ဓမ္မဘေရီဆရာတော်က-

“အိုခြင်းက ဒုက္ခမဟုတ်ဘဲ အိုလို့ အပယ်ခံရတာကို ဒုက္ခအဖြစ်ခံစားရတာ။ အိုပယ်ဒုက္ခ။” လို့ ရှင်းပြပါတယ်။

ဒါနဲ့ပဲ “မေအို” ပြောတဲ့ စကားတွေကို သတိရသွားတယ်။

မေအိုက ဟင်းခတ်တဲ့အခါ ဘယ်လက်နဲ့ မခတ်ဘဲ စားနေတဲ့ ညာလက်နဲ့ ခတ်တော့ မြေးတွေက ပူညံပူညံလုပ်ကြတယ်။ မေအိုက-

“ငါ ဒါတွေ(အိုဒုက္ခတွေ) မယူသွားဘူး။ သေရင် နင်တို့အတွက် ထားခဲ့မယ်။” တဲ့။

အိုခြင်းဒုက္ခပဲခေါ်ခေါ် အိုပယ်ဒုက္ခပဲခေါ်ခေါ် အမေပြောနေတာတော့ ဒီဒုက္ခတွေပဲနေမှာပဲ။

စူးမာတို့ မလိုချင်တဲ့အမွေတွေ တဖြေးဖြေးနဲ့ ရမှန်းမသိ ရလာကြပြီ။

မေအိုက ဆွမ်းတော်စွန့်ဖို့ လှေခါးတက်ရင်း လိမ့်ကျသွားတယ်။ လုပ်နေကျပဲ ဒီလောက်အင်အားကတော့ လုပ်နိုင်မှာပဲ၊ ဒီအင်အားလေး မြဲနေမှာပဲလို့ ထင်တာပေါ့။ အသက်ကြီးလာတဲ့အခါ အများဆုံးဖြစ်ကြတဲ့ ကိစ္စပါ။ ဦးဏှောက်နဲ့ အာရုံကြောတွေက စက္ကန့်မလပ် သတင်းပို့တာတွေ ဖမ်းယူပြီးအမိန့်ပေးတာတွေ အမြဲ မစီးဆင်းနိုင်တော့ဘူး။ မေ့တာတွေများလာနေပြီ။ ခြေတဖက်လှမ်းပြီး နောက်ခြေတဖက် မလှမ်းခင်မှာ အဆက်ပြတ်သွားတာ။ သတိပြန်ရတော့ ဘယ်လိုလုပ်ပြီး လှေခါးအောက် ရောက်သွားပါလိမ့် ဖြစ်သွားတယ်။

လူငယ်တွေကတော့ ဒါတွေ ဝင်ပူမနေနဲ့ ဝင်ပါမနေနဲ့လို့ ပြောကြမှာပဲ။ ကိုယ်နိုင်တဲ့ တာဝန်လည်း ထမ်းချင်သေးတာကိုး။ ထမ်းနိုင်မယ်လည်း ထင်နေတုန်းပဲကိုး။ မလျှော့ချင်သေးဘူး။

လူတယောက်နဲ့ တယောက် အရေးကြီးတဲ့ကိစ္စခြင်းလဲ မတူကြဘူးလေ။

ကိုယ့်နေရာကနေ ကိုယ်ကြည့်ပြီး အရေးကြီးနေကြတယ်။ ကိုယ်ကောင်းမယ်ထင်တာ ကိုယ်လုပ်နေကြတယ်။

ဓမ္မဘေရီဆရာတော်က-

“လူတွေကြီးပဲ ကိုယ်ကောင်းမယ်ထင်တာ ကိုယ်လုပ်တတ်တာမဟုတ်ဘူး။ တိရစ္ဆာန်တွေလည်း သူတို့ ကောင်းမယ်ထင်တာ သူတို့လုပ်ကြတာပဲ”

“ကောင်းမယ်ထင်လို့ အိပ်တယ်၊

ကောင်းမယ်ထင်လို့ ဟောင်တယ်၊

ကောင်းမယ်ထင်လို့ လျောက်သွားတယ်၊ ဘာထူးလဲ။”

အင်း ဒီလိုဆိုတော့ တိရစ္ဆာန်တွေနဲ့ မတူအောင်နေမှဖြစ်တော့မယ်။

ကိုယ်ပိုင်စည်းကမ်းတွေ ကိုယ်ပိုင်ဥပဒေတွေ တတ်နိုင်သလောက် လျှော့ပြီး အများအတွက် အဆင်ပြေမယ့် အချိန်၊ နေရာကို ဦးစားပေးရတော့မယ်။

ကိုယ့် စိတ်ထဲမှာ အရင်တုန်းကလိုပဲလို့ ထင်နေ စွဲနေတာတွေကို ဖြုတ်ရတော့မယ်။

လုပ်ချင်ကိုင်ချင်တုန်း ဖြစ်နေသေးတဲ့ ကိုယ့်စိတ်ကို သည်းခံရမယ်။

ဒီတရားတွေမသိခင်က အမေ့အပေါ် ကာယကံ၊ ဝစီကံ၊ မနောကံနဲ့ ပြစ်မှားခဲ့တာရှိရင် ခွင့်လွှတ်ပါအမေ။

သမီး စူးမာ (၁၊ ၃၀၊ ၂၀၁၂)

ရိုတရီ အင်တာနယ်ရှင်နယ်-ဘာကလေခရိုင် အဖွဲ့ခွဲ၏ ကမ္ဘာ့ငြိမ်းချမ်းရေးကြိုးပမ်းသူ ဂုဏ်ထူးဆောင်ဆု အပ်နှင်းခြင်း အခမ်းအနား။

Rotary International ရိုတရီ အင်တာနယ်ရှင်နယ်(Berkeley District ဘာကလေခရိုင်)အဖွဲ့ခွဲသည် ၁၉၅၅ခုနှစ်တွင် ရိုတရီ အင်တာနယ်ရှင်နယ်အဖွဲ့ချုပ်၏သက်တမ်း ရွှေရတုအထိမ်းအမှတ်အဖြစ် ဘာကလေခရိုင် Tilden Park တိုင်လ်ဒန်တောတွင် Sequoia Gigantea စက်ကွေးယား ဂျီ၈ျန်တီး အမျိုးအစား နှစ် ထောင်ကျော် အသက်ရှည်သော Redwood ရက်ဝုသစ်ပင် ၁၀၀ကို စိုက်ပျိုးထားပြီး နှစ်စဉ် ကမ္ဘာ့ငြိမ်းချမ်းရေးကြိုးပမ်းသူ ဂုဏ်ထူးဆောင်ဆုကို လူတစ်ဦးချင်းကိုသော်လည်းကောင်း အဖွဲ့အစည်းကိုသော်လည်းကောင်း ရွေးချယ်ဂုဏ်ပြုလာခဲ့သည်။ ယခု ၄၆ကြိမ်မြောက်တွင် ၂၀၁၁ခုနှစ်အတွက်မူ မြန်မာနိုင်ငံမှ လူထုခေါင်းဆောင် ဒေါ်အောင်ဆန်းစုကြည်အား ရွေးချယ်ခဲ့ကြလေသည်။

၂၀၁၂ခု မတ်လ၇ရက်နေ့တွင် ဆုနှင်းသဘင်အခမ်းအနားကို တိုင်လ်ဒန်တောအုပ် ဘရာဇီးအဆောက်အဦးတွင်ကျင်းပပြီး ဒေါ်အောင်ဆန်းစုကြည်ကိုယ်စား ဆွေမျိုးတော်စပ်သူ အမျိုးသားညွန့်ပေါင်းအစိုးရ ဝန်ကြီးချုပ် ဒေါက်တာစိန်ဝင်းက တက်ရောက်လက်ခံခဲ့သည်။ 

ဤ ရိုတရီ အင်တာနယ်ရှင်နယ်-ဘာကလေခရိုင် အဖွဲ့ခွဲမှအပ်နှင်းသောဆုကို ၁၉၆၄ခုနှစ်အတွက် မြန်မာနိုင်ငံမှ ကမ္ဘာ့ကုလသမဂ္ဂအထွေထွေအတွင်းရေးမှူးချုပ်ဦးသန့်က ရရှိခဲ့ပြီး ယခုအကြိမ်သည် ဒုတိယအကြိမ်မြောက် မြန်မာနိုင်ငံမှ ထပ်မံဆွတ်ခူးခြင်းဖြစ်ပေသည်။

၁၉၆၄ခုနှစ်အတွက် ဆုနှင်းသဘင်ကျင်းပစဉ်ကလည်း များမြောင်လှစွာသော လုပ်ငန်းတာဝန်များကြောင့် ဦးသန့်ကိုယ်တိုင် မတက်ရောက်နိုင်ခဲ့ပါ။

ရိုတရီ အင်တာနယ်ရှင်နယ်အဖွဲ့ချုပ်သည် ၁၉၀၅ခုနှစ်တွင် ဥပဒေအကျိုးဆောင် Paul Harris ပေါလ်ဟရစ်နှင့် စိတ်တူကိုယ်တူ သူငယ်ချင်း၃ယောက်က စတင်တည်ထောင်ခဲ့ကြသော ကမ္ဘာတွင် ပထမဦးဆုံးသော ပရဟိတအဖွဲ့ဖြစ်သည်။

အဖွဲ့၏ဆောင်ပုဒ်မှာ “Service Above Self ကိုယ်ကျိုးမဖက် များအတွက် ဝန်ဆောင်မှု” ဖြစ်သည်။

စတင်တည်ထောင်စဉ်က ရိုထရီ-ချီကာဂိုကလပ်ဟုသာ အမည်ပေးထားသော်လည်း ၁၀နှစ်အတွင်း ရိုထရီစိတ်ဓါတ်များ ရေပန်းစားလာပြီး ကလပ်သစ်များသည် မြောက်အမေရိကတိုက် အနောက်ခြမ်း ဆန်ဖရန်စစ္စကိုမှ အရှေ့ခြမ်း နယူးယောက်ကိုကျော်လွန်၍ ကနေဒါနိုင်ငံ ဝင်နီပဂ် ထိတိုးပွားလာခဲ့သည်။ ၁၉၂၁ခုနှစ်တွင်မူ ကမ္ဘာ့တိုက်၆ခုလုံးထိပြန့်ပွားသွားခဲ့သောကြောင့် ရိုတရီ အင်တာနယ်ရှင်နယ်အဖြစ်သို့ အမည်ပြောင်းလဲခဲ့သည်။

၁၉၃၂ခုနှစ်တွင် အသင်းဝင် Herbet Taylor ဟားဘတ်တေလာက အသင်းဝင်များဆောင်ရန် ကျင့်စဉ်၎ခုချမှတ်ခဲ့သည်။

၁။ ဒါ မှန်ရဲ့လား

၂။ ဒါ အားလုံးအတွက် တရားမျှတရဲ့လား

၃။ နှစ်ဦး၂ဖက် စိတ်ကောင်းစိတ်မြတ်များ ကြည်ကြည်လင်လင်နဲ့ ဆက်ဆံရေးတွေ ပိုကောင်းလာနိုင်မလား

၎။ လူသားအားလုံးအတွက် အကျိုးဖြစ်ထွန်းနိုင်မလား

ဤမေးခွန်းများကို အမြဲစဉ်းစား၊ ပြောဆို၊ လိုက်နာပါ ဟူ၍ဖြစ်သည်။

ဒုတိယကမ္ဘာစစ်အတွင်း ရိုထရီကလပ်များသည် ပိတ်ပင်ခံရခြင်းများရှိသကဲ့သို့ တဖက်တွင်လည်း စစ်ဒုက္ခသည်များကို အရေးပေါ် ကယ်ဆယ်ရေးအကူအညီများ တိုးမြှင့်ဆောင်ရွက်နိုင်ခဲ့ကြသည်။

စစ်ကြီးမပြီးခင် ၁၉၄၂ခုနှစ်၌ နိုင်ငံပေါင်း၂၁နိုင်ငံမှ ရိုထရီအသင်းသားများသည် ညီလာခံခေါ်ယူ၍ လူနေမှုဘဝများတိုးမြင့်လာစေရန် နိုင်ငံအချင်းချင်း ပညာရေး၊ သိပ္ပံနည်းပညာများ၊ ယဉ်ကျေးမှုများ ဖလှယ်ရေးအတွက် အစီအစဉ်များချမှတ်ဆွေးနွေးခဲ့ကြသည်။ ဤညီလာခံ၏ရလာဒ်သည် ယူနက်စကိုဖြစ်ပေါ်လာစေရန် များစွာတွန်းအားပေးခဲ့ပေသည်။

၁၉၄၅ခုနှစ်တွင် ဆန်ဖရန်စစ္စကို၌ကျင်းပသော ကုလသမဂ္ဂပဋိဥာဉ်စာတမ်း ချမှတ်ရေးညီလာခံသို့လည်း ကိုယ်စားလှယ်ပေါင်း၂၉ဦးနှင့်အတူ ရိုထရီအသင်းဝင် ၄၉ယောက်တို့သည် ပူးပေါင်းပါဝင် ဆွေးနွေးကူညီခဲ့ကြသည်။ ဤသို့ဖြင့် တတ်ကျွမ်းပညာရှင် ရိုထရီအသင်းဝင်များနှင့် ကုလသမဂ္ဂသည် ခွဲ မရတော့ဘဲ သဘာဝပတ်ဝန်းကျင်ထိမ်းသိမ်းရေး၊ စာမတတ်သူပပျောက်ရေး၊ အစာငတ်မွတ်သူပပျောက်ရေး၊ ကလေးသူငယ်စောင့်ရှောက်ရေး၊ အမျိုးသမီးများမဲပေးပိုင်ခွင့် စသည့် စီမံကိန်းများကို ဆောင်ရွက်ရာတွင် ကုလသမဂ္ဂအမြဲတမ်းကိုယ်စားလှယ်အဖြစ် ပါဝင်လာရတော့သည်။

ရိုထရီဘာကလေခရိုင် ကလပ်တစ်ခုပင်လျှင် သက်တမ်း၈၀ကျော်ကြာမြင့်နေပြီး ပထမကမ္ဘာစစ်အပြီး စစ်ဘေးကြုံကြရသော နိုင်ငံများမှ ကလေးများအတွက် ဖိနပ်အရံပေါင်း ၈၀၀၀ကျော်လှူဒါန်းခြင်းမှအစပြုကာ အာဖရိက၊ တောင်အမေရိက၊ အစ္စရေးနိုင်ငံများသို့ စာအုပ်များလှူဒါန်းခြင်း၊ ကမ္ဘာတွင် ပိုလီယိုရောဂါပပျောက်ရေးအတွက် သန်း၃၀၀ကျော်စီမံကိန်းများကို ဦးဆောင်ရှာဖွေလှူဒါန်းခဲ့ခြင်း၊ ပြည်တွင်းပြည်ပ စာကြည့်တိုက်များ၊ ဆေးရုံများ၊ ကျောင်းများ၊ သာရေးနာရေးအဆောက်အဦများလှူဒါန်းခြင်း၊ ပညာရေးဖလှယ်သောအစီအစဉ်များနှင့် ပညာသင်ကြေးထောက်ပံ့ခြင်းများ၊ နှစ်စဉ် ကိုယ်ကျင့်တရားမြှင့်တင်ပေးသော ကျောင်းသုံးစာအုပ်များပြုစု လှူဒါန်းခြင်းများအပြင် စာကြည့်တိုက်များ၊ ကျောင်းများ၊ ဆေးရုံများ၊ လူအိုရုံများတွင် လုပ်အားပေးခြင်းများပါမကျန် ဆောင်ရွက်ခဲ့ပေသည်။

နိုင်ငံပေါင်း၂၀၀ကျော်မှ အဖွဲ့ဝင်ပေါင်း ၁.၂သန်းကျော်ရှိသော ရိုထရီကလပ်များသည် နိုင်ငံ့ခေါင်းဆောင်များ၊ နိုဘယ်ဆုရှင်များ၊ စာရေးဆရာများ၊ ဘာသာရေးခေါင်းဆောင်များ၏ စိတ်ပါဝင်စားမှုခံရကာ ပါဝင်ကူညီကြသောကြောင့် လူသားဂုဏ်သိက္ခာမြှင့်တင်ရေးနှင့် ကမ္ဘာ့ငြိမ်းချမ်းရေးကိစ္စများကို အရှိန်အဟုန်ဖြင့် တတတ်တအား ဆောင်ရွက်လျက်ရှိပေသည်။

အခမ်းအနားတွင် ကလပ်ငြိမ်းချမ်းရေးကော်မီတီဥက္ကဌ Maxim Schrogin မက်စင်ရှိုဂျင်မှ “ဒေါ်အောင်ဆန်းစုကြည်ရဲ့ မြန်မာပြည်သူတွေအတွက် တရားမျှတမှုပေါ်ပေါက်ရေးကြိုးပမ်းချက်များ ကိုယ်ကျိုးစွန့်အနစ်နာခံမှုများဟာ မြန်မာပြည်သူများသာမက ကမ္ဘာတဝှမ်းမှ ကျွနုပ်တို့အားလုံးအတွက် အားကျ ဂုဏ်ယူစရာဖြစ်ခဲ့ရကြောင်း၊ ၂၀၁၁ခုနှစ်အတွက်  ကမ္ဘာ့ငြိမ်းချမ်းရေးကြိုးပမ်းသူရွေးချယ်ရာမှာ ရိုထရီအသင်းဝင်များအပြင်  ဘာကလေတက္ကသိုလ်အဓိပတိ၊ ဘာကလေမြို့တော်ဝန်များအပြင်၊ ဂုဏ်သိက္ခာကြီးမားသော ဘာသာရေးခေါင်းဆောင်များရဲ့ ဆန္ဒများလည်းပါဝင်ကြောင်း”ရှင်းပြပါသည်။

ဒေါက်တာစိန်ဝင်းက “ဒေါ်အောင်ဆန်းစုကြည်ဟာ ပြည်သူလူထုအကျိုးကိုကြည့်ပြီး ဦးသိန်းစိန်အစိုးရ ဖွင့်ပေးထားတဲ့ အလွန်ကျဉ်းမြောင်းတဲ့ လမ်းကြောင်းကို ရွေးလိုက်ရခြင်းဖြစ်ကြောင်း။ မြန်မာပြည်သူများရော မြန်မာအစိုးရပါ အမေရိကန်ပြည်သူများရဲ့ လေးစားယုံကြည်မှုကို လိုလားကြောင်း။ မြန်မာနိုင်ငံဟာ ဒီမိုကရေစီလမ်းကြောင်းပေါ်ကိုရောက်ရန် အခက်အခဲများစွာဖြင့် ကြိုးစားရအုံးမှာဖြစ်ကြောင်း။ အခုကြားဖြတ်ရွေးကောက်ပွဲဟာ အမျိုးသားပြန်လည်ရင်ကြားစေ့ရေး၏ စမ်းသပ်ပွဲတစ်ခုသာဖြစ်ကြောင်း၊ အမေရိကန်ပြည်သူများ၏ စောင့်ကြပ်ကြည့်ရှု ကူညီယိုင်းပင်းမှုများ လိုအပ်ဆဲဖြစ်ကြောင်း” ပြောကြားပါသည်။  

ရိုထရီခရိုင်မြို့တော်ဝန် Dave Dacus ဒေ့ဗ်ဒကပ်စ်က “ဤကမ္ဘာကြီးပေါ်တွင် စစ်ပွဲများမရှိယုံမျှဖြင့် ငြိမ်းချမ်းရေးမရရှိနိုင်သေးကြောင်း လူတစ်ဦးချင်းရဲ့ အတွင်း အဇ္ဈတ္တမှာ ငြိမ်းချမ်းမှုရအောင်လုပ်နိုင်မှသာလျှင် ကိုယ့်ပတ်ဝန်းကျင် အသိုင်းအဝိုင်း၊ အဲဒီကမှတဆင့် ကမ္ဘာကြီး ငြိမ်းချမ်းအောင် လုပ်နိုင်မည်ဟုယုံကြည်ကြောင်း၊ ရိုထရီအသင်းဝင်များသည် ဤနည်းဖြင့် ဆပွား ကြိုးစားလုပ်ဆောင်ကြဖို့ သန္နိဌာန်ချထားသူများဖြစ်ကြောင်း။ ယခုအခါ ပညာရေး၊ သောက်ရေသန့်ရရှိရေး၊ ရောဂါတိုက်ဖျက်ရေး၊ စီးပွားဖွံ့ဖြိုးရေးစသည့်ကိစ္စများကို ဆောင်ရွက်လျှက်ရှိကြောင်း။” ကို ရှင်းလင်းပြောပြပါသည်။

နိဂုံးတွင် တက်ရောက်သူများအားလုံးက-

“ရိုထရီကျင့်စဉ်များကိုလိုက်နာလျက် ကျွနုပ်တို့သည်-

ကမ္ဘာပေါ်တွင် နိုင်ငံအချင်းချင်းနားလည်မှုရှိရေး၊ စိတ်ကောင်းစေတနာကောင်းများပေါ်ထွန်းရေးနှင့် ငြိမ်းချမ်းရေးရရှိရေးကို ရည်သန်လျက် ဤရက်ဝုသစ်ပင်ရှေ့မှောက်တွင် မြန်မာပြည်သူများ၏ လူ့အခွင့်အရေးနှင့်ဂုဏ်သိက္ခာအတွက် မရပ်မနားကြိုးပမ်းနေသော ဒေါ်အောင်ဆန်းစုကြည်ကို ဂုဏ်ပြုသည်။

မြန်မာပြည်သူများလွတ်မြောက်ကြပါစေ။

ကျွနုပ်တို့၏ယုံကြည်ချက် ဆင်ခြင်တုံတရားသည် ဘဝ၏ရံရွေတော်သဖွယ် အပါးမှာအမြဲခစားပါစေ။ သေခြင်း၏နောက်လိုက်မဖြစ်ပါစေနှင့်။

စစ်ပွဲကိုလည်ပတ်စေမည့်ယန္တရားများတွင် အသုံးပြုသောဘဏ္ဍာငွေများသည် အဆုံးသပ်ကာ ငြိမ်းချမ်းမှုတည်ဆောက်ရေးအတွက် ဖြစ်ကြပါစေ။

မိမိတို့နိုင်ငံကိုသာမက ကမ္ဘာ့မိသားစုဝင်များအပေါ် မေတ္တာထားနိုင်ကြပါစေ။

ကျွနုပ်တို့ရိုထရီအဖွဲ့ဝင်များ၏ အသက်၊ စေတနာ သဒ္ဓါတရား၊ စွမ်းအားများကို လူသားတို့၏အကျိုးစီးပွားအတွက်လည်းကောင်း၊ ကမ္ဘာပေါ်တွင် နိုင်ငံအချင်းချင်းနားလည်မှုရှိရေး၊ စိတ်ကောင်းစေတနာကောင်းများပေါ်ထွန်းရေးနှင့် ငြိမ်းချမ်းရေးရရှိရေးအတွက် အသုံးချရန် သန္နိဌာန်ပြုသည်။” ဟု သံပြိုင်ရွတ်ဆိုကြပါသည်။

အိမ်အပြန်လမ်းတွင် ကျွန်မတို့နိုင်ငံအကြောင်းကိုစဉ်းစားနေမိပါသည်။

တကယ်တော့ ကျွန်မတို့သည် မွေးဖွားလာကတဲက ဗုဒ္ဓထံမှ လူ့သားဂုဏ်သိက္ခာမြှင့်တင်နည်း များဖြစ်သော ၅ပါးသီလ၊ မိဘဝတ်၊ ဆရာ့ဝတ်၊ အကြီးအကဲဝတ် စသည်များ၊ လူတင်မက နတ်ချမ်းသာ၊ ဗြဟ္မာချမ်းသာဖြစ်အောင်နေထိုင်နည်းများဖြစ်သော ၃၈ဖြာမင်္ဂလာ၊ ဒီဘဝတွင်မက တစ်သံသရာလုံး အမြဲငြိမ်းချမ်းအောင်နေထိုင်နည်းများဖြစ်သော မဂ္ဂင်၈ပါးများကို ကောင်းစွာ ကြားသိပြီးဖြစ်ကြလေသည်။

အမြင့်ဆုံးသော လူ့သိက္ခာဖြစ်သည့် မဂ်ဥာဏ် ဖိုလ်ဥာဏ်ရစေမည့် ဆောင်ပုဒ်ဖြစ်သော-

“မကောင်းမှုရှောင်၊ ကောင်းမှုဆောင်၊ ဖြုအောင်စိတ်ကိုထားဟူသည့် သီလ၊ သမာဓိ၊ ပညာ ကျင့်စဉ်ကိုလည်း ၄၅သန်းသောမြန်မာများ ကြားဖူးကြပြီးဖြစ်လေသည်။

ဗုဒ္ဓ၏သင်္ကေတအမှတ်အသားများဖြစ်သော စေတီပုထိုးများ သာသနာ့အဆောက်အဦးများလည်း လက်ညှိုးထိုး၍မလွဲအောင် ရှိနေလေပြီ။

ထိုစေတီပုထိုးများရှေ့တွင်လည်း ဆုတောင်း အာမဘန္တေ ခံကြသည်မှာလည်း အကြိမ်ကြိမ်။

ဗုဒ္ဓ၏တရားတော်များကို သင်ကြားလေ့ကျင့်ပေးနေသော တရားပွဲများ တရားစခန်းများလည်း အသံမစဲ တသဲသဲ။

စိုက်ပျိုး၍ရသောမြေများ၊ မျှတသောရာသီဥတုများ၊ သယံဇာတများ၊ ကမ္ဘာနှင့်ရင်ဘောင်တန်းနိုင်သည့် လူသားအရင်းမြစ်များလည်းရှိနေပေသည်။

သို့ရာတွင် ကျွန်မတို့မြေပေါ်တွင် အနှစ်၅၀ကျော်ကြာအောင် မငြိမ်းချမ်းနိုင်သေးပါ။

 “သေနတ်ကိုင်သောလက်များကို လက်တော့ပ်ကိုင်သော လက်များအဖြစ်ပြောင်းပေးမည်” ဟူသော သမ္မတကြီးဦးသိန်းစိန်၏ မိန့်ခွန်းနှင့်

ဆရာတော်ဓမ္မဘေရီ၏ “နှုတ်တွင်ဆောင်ပဲရတယ် သရုပ်ဆောင်မှာတော့ညံ့နေသေးတယ်”ဆိုသော အဆုံးအမကိုသာ ကြားယောင်နေမိပါတော့သည်။

၃၊၉၊ ၂၀၁၂။