တပ်စုမှုး ဆေးရုံတက်ရခြင်း
တပ်စုမှုးဆိုသည်မှာ နာမည်ခံသက်သက်ဖြစ်ပြီး တပ်စုကိုဦးဆောင်သည့် တပ်စုကိုယ်စားပြုသည့် စိတ်ဓါတ် စိုးစဉ်းမျှမရှိပေ။ ဒုတိယခေါင်းဆောင် တပ်ကြပ်ကြီးထံ တာဝန် အားလုံးလွှဲထားလေသည်။ အများအမြင်တွင်မူ အလွန်ပင်ပမ်းနွမ်းနယ်သည့်ဟန်ပြလေ၏။ မြန်မာပြည်သို့ ဝင်ရောက်ပြီးနောက် နေမကောင်းဟုဆိုကာ ကျွန်တော့ထံတွင် ငြီးတွားလေသည်။ ဆေး စစ်ဆေးမှုကိုတော့ လက္မခံချေ။
တောင်ငူမှထွက်ခွါပြီးနောက် ရက်အနည်းငယ်ကြာတွင်ဖြစ်သည်။
မြန်မာစစ်မျက်နှာသည် ရှေ့တန်းတွင် ခရီးရောက်လျက်ရှိပြီး မြန်မာတပြည်လုံး ရပ်ရွာအေးချမ်းမှုတွင် ပြဿနာများဖြင့်ကြုံတွေ့နေလေသည်။ ကျွန်တော်တို့၏ အလှည့်ကျတပ်စုသည် မြန်မာပြည်တွင်းမှ ပြန်လှည့်ရရန် ကောလဟလများထွက်ပေါ်နေ၏။
ခန္ဓာကိုယ်က အားနည်းလာပြီး လုပ်ချင်ကိုင်ချင်စိတ်မရှိသော တပ်စုမှုးသည် တပ်စုအားလည်း ညွှန်ကြားချက်မပေးနိုင်သဖြင့် တပ်စုသည် ဝန်ထုပ်ဝန်ပိုးပိနေလေ၏။ ဤအချက်ကို တပ်ခွဲမှုးသည် သတိထားမိပြီး စိတ်ပူလေ၏။ ထို့နောက် တပ်စုမှုးအား ဆေးရုံတင်စေလေ၏။ ခန္ဓာကိုယ် အင်အားပြန်လည်ပြည့်ဝလာမည့် နည်းလမ်းများကို စဉ်းစားလျှက် တပ်ခွဲမှုးနှင့်တိုင်ပင်၍ ဆေးရုံတင်ကြခြင်းဖြစ်သည်။
သူ့တွင် အဆုတ်ပွခြင်းနှင့်ပတ်သက်သော ရောဂါရှိခဲ့ဖူးကြောင်း ကျန်းမာရေးမှတ်တမ်းများအရ သိရသော်လည်း ထိုအချိန်က ဤရောဂါနှင့်ပတ်သက်သော လက္ခဏာများ ထူးထူးခြားခြား မတွေ့ရပေ။ ဆေးစစ်မှတ်တမ်းတွင်မူ အဆုတ်ပွရောဂါ သံသယရှိခြင်းဟူ၍ ဆေးရုံတက်ခွင့်ရရန် မှတ်ချက်ရေးလိုက်၏။
ကျွန်တော်က ဆေးရုံတွင်ရှိသည့်အခါ ဆေးရုံတက်နေသော်လည်း “ဒီဟာက မကောင်းသေး။ ဟိုဟာက မကောင်းသေး” စသဖြင့် ပြောရန် အကြံပေးထား၏။ တပ်ခွဲမှုးက စိတ်ပူသဖြင့် လာကြည့်သည့်အခါတိုင်း “လူနာအခြေနေ ဘယ်လိုနေလဲ”စသည်ဖြင့် မေးမြန်းရန် စည်းဝါးရိုက်ထားကြသည်။
ဤသို့ဖြင့် အလှည့်ကျတပ်များ တသုတ်ပြီးတသုတ်ရွှေ့ကြရာ “အိမ်မြန်မြန်ပြန်ရတော့မယ်”ဟူသော အသံများထွက်လာလေ၏။
“မင်းတို့က အိမ်မြန်မြန် ပြန်ရောက်ပြီး ငါက ဆေးရုံမှာကျန်ရစ်မယ်ဆိုတော့ မင်းတို့ကို မနာလိုဘူးဟေ့”
-ဟုဆိုကာ ဆေးရုံမှဆင်းပြေးလေတော့၏။
လာချေပြီ ကော်လီရာ(ကာလဝမ်းရောဂါ)
ရှေ့တန်းတပ်နောက်သို့လိုက်ရန် မူလ မန္တလေးသို့ အရောက်သွားရန်ဖြစ်သော လမ်းကြောင်းမှ သွေဖီ၍ မိုးခေါင်ရေရှားရပ်ဝန်း မိတ္ထီလာကိုဖြတ်၍ ချီတက်ရန် ကြုံရပြန်လေသည်။ အပူလောင်ခံနေရသောတပ်အား ဒလကြမ်းနှင်သည့်အဖြစ်သို့ ဆိုက်ရောက်ရလေတော့၏။
ချီတက်နေစဉ်အတွင်း အုန်းရေရော သောက်ရေရော လုံးဝ မရရှိခဲ့ပေ။ ခြောက်သွေ့နေသောလည်ချောင်းကို နောက်ကျိနေသော မြစ်ရေ၏ ကမ်းနံဘေး၌ လက်ယက်တွင်းလေးတူးပြီး ရသောရေဖြင့် စိုရလေသည်။ မည်သို့မျှ မသန့်နိုင်ပေ။
ဤအတောအတွင်း ရဲဘော်၂ယောက်မှာ ဆေးရုံတင်ရလေ၏။
မေလ ၆ရက်နေ့တွင် စစ်ကိုင်းအနီး ပင်းယသို့ရောက်ရှိလာပြီး စောင့်နေရလေသည်။ ၄င်းရွာတွင် သံလွင်ချောင်းရှိပြီး သုံးရေလုံလောက်ကာ ကြိုချက်၍သောက်ရသောကြောင့် ရေနောက် သောက်ရသောဒုက္ခမှ ခဏတာ ငြိမ်းအေးသွား၏။
တစ်ညတွင် တပ်ခွဲမှုးအမိန့်ဖြင့် မန္တလေးရှိ ခြေလျင်တပ်မ ၅၅၏ဆေးတပ်မမှုးထံ သွားရ၏။ တပ်ခွဲတွင် “ကော်ရီလာရောဂါကူးစက်နေသည်” ကို အမြန်သတင်းပို့ပြီး ပြန်လာရန်ဖြစ်သော်လည်း မသွားခင်မှာပင် ရဲဘော် ၃ယောက် သေဆုံးလေသည်။ တစ်ယောက်မှာ ကာကွယ်ဆေးထိုးရန် ငြင်းဆန်ခဲ့သူဖြစ်ပြီး၊ ကျန်၂ယောက်မှာ ဆေးရုံတင်ထားရာမှ သေဆုံးသူများဖြစ်သည်။
ကျွန်တော်သည် တပ်မ၅၅ ဆေးတပ်မမှုးအား ညတွင်းချင်းသတင်းပို့ပြီး တပ်ခွဲကို ဆေးစစ်ရာ လူ၂၀မှာ ဝမ်းလျှောနေကြပြီး ရောဂါလက္ခဏာများ တော်တော်ပြနေလေသည်။ ဤရဲဘော်များကို လူနာများအဖြစ် ဆေးရုံတင်ရန် စီစဉ်ရတော့၏။ အုပ်စုလိုက် သီးခြားစီခွဲထားပြီး antiseptic carbolic acid emulsion ကို များများသုံးလိုက်၏။ ဒုတိယဆင့် လူနာများကိုလည်း ကာကွယ်ပြီးသားဖြစ်သွားလေ၏။
ဤ phenol emulsion ကျေးဇူးကြောင့် ကူးစက်ပြန့်ပွားမှုကို ဟန့်တားနိုင်လိုက်ကာ ဆေးတပ်မမှုးထံမှလည်း ထွေထွေထူးထူး အကူအညီ တောင်းစရာမလိုတော့ပေ။
ဆေးတပ်မမှုးက ၄င်းအောက်ရှိ အရာရှိများအား ရောဂါ မကူးစက်စေရန် တပ်ခွဲများကို သီးခြားစီထားရန် ညွှန်ကြားချက်များထုတ်ပြီး “တပ်ခွဲတခုမှာ ဤသို့ကုသမှုဖြင့် ကာကွယ်လိုက်နိုင်သည့် ကျေနပ်စရာကောင်းသည့် ကုထုံးသတင်းကောင်း” ကိုပါ ဖေါ်ပြခြင်းခံရလေသည်။
နေ့စဉ် စစ်ဆေးရေးအုပ်စုက လူနာများ၏တိုးတက်မှုကို အကြိမ်ကြိမ် စစ်ဆေးပေးသောကြောင့် ကံကောင်းထောက်မစွာ နောက်ထပ် တစ်ယောက်မှ အဖိတ်အစင် မရှိတော့ပါ။ ဤအတွက်ကြောင့်ပေလား မဆိုနိုင် ဒီတခါတော့ မြန်မာပြည်တပ်မ ဆေးတပ်မမှုးက အခေါ်တွေ့ခံရပြီး တပ်ခွဲတွင်ဆောင်ရွက်ခဲ့ပုံ တိုးတက်လာပုံများကို အသေးစိတ်မေးမြန်းကာ ချီးကျူးစကားနှင့်အတူ တပ်ခွဲမှုးအောက်မှ အရာရှိများကိုလည်း ဂုဏ်ပြုကျေးဇူးတင်စကားဆိုလေ၏။
အုပ်စုခွဲထားပြီး ၁၀ရက်ကြာတိုင်အောင် ရောဂါမတိုးလာပဲ ကျန်းမာသောလူနာများကိုကား ဒီထက်ပို၍ သီးသန့် ခွဲထားရန်မလိုဟု ဆုံးဖြတ်ပြီး တပ်ခွဲမှုးနှင့် အကျိုးအကြောင်း အချိန်ယူ ဆွေးနွေးကာ အုပ်စုခွဲထားခြင်းကို ရုတ်သိမ်းရန် ဆုံးဖြတ်လိုက်ကြသည်။
ဖြစ်ချင်တော့ စင်္ကာပူတောင်ဖက်ပိုင်း ဆေးတပ်မှ စစ်ဆေးရေးလာမည်ဆိုသော သတင်းက ရောက်ရှိလာလေသည်။ ဤတွင် တပ်ခွဲမှုးသည် ဂယောင်ချောက်ချားဖြင့် နှစ်ဦးသဘောတူ ဆုံးဖြတ်ဆောင်ရွက်ထားသော ကိစ္စကို မေ့သွားလေဟန်ဖြင့်-
“အီနာဂခိစံ အုပ်စုမခွဲပဲ ရောထားလို့ ဒုက္ခမရောက်ပေဘူးလား”-ဟု
ကျွန်တော်တစ်ယောက်ထဲ ဆုံးဖြတ်ချက်ဖြင့် ပြုထားသည့်နှယ် မေးခွန်းထွက်လာလေသည်။
“ဟင့်အင်း နှစ်ယောက်တိုင်ပင်ပြီး လုပ်ထားခဲ့တာကို အခုမှ ကျွန်တော့ကိုချည်း ပုံချလို့ မရဘူး။ စစ်ဆေးရေးမလာခင်မှာ မခွဲပဲထားတဲ့ အခြေအနေတွေကို သုံးသပ်ပြလိုက်ရင်ပြီးတာပဲ၊ ဘာလို့ ခုမှ ဂယောင်ကတမ်းဖြစ်နေရတာလဲ”-ဟု ပြန်ပြောရတော့၏။
ဤစစ်ဆေးရေးကိစ္စလည်း အောင်မြင်စွာပြီးဆုံးခဲ့ပေသည်။ ဤတွင် တပ်ခွဲမှုးက မိမိဆုံးဖြတ်ချက်က မှန်သွားတယ်ဆိုသော အမူအရာသို့ပြောင်းလဲသွားကာ အလွန်ကျေနပ်အားရသော မျက်နှာပေးဖြင့် “တပ်ခွဲကရောဂါကူးစက်မှု မရှိတော့ဘူး”ဟု ဆိုကာ ကျွန်တော့အား
“အီနာဂခီစံ ဒီဝီဇံတပ်ဋ္ဌာနချုပ်ထိသွားပြီး အုန်းပင်တက်လက်မှတ် (ထောက်ခံစာ) သွားယူလို့ရပြီ”-ဟု မြှောက်ထိုးပင့်ကော်နေသည်မှာ ရှုးများနေသလားဟုပင် မဆိုနိုင်ပါ။
မိမိလက်အောက်ငယ်သားများကို အလေးဂရုပြုသည်ဆိုပါက မိမိကိုယ်တိုင် ဋ္ဌာနချုပ်ကိုသွားရန် အစီအစဉ်ရှိရပေမည်။ သူသည် လက်အောက်ငယ်သားများ မျက်နှာကောင်းရသည့်ကိစ္စဆိုသည်မှာ တပ်ခွဲမှုး၏ ကြိုးစားဦးဆောင်မှုနှင့် ဆက်စပ်နေသည်ဆိုသည်ကို မသိလေရော့သလား။
သူသည် မိမိလက်အောက်မှလူ နာမည်ကောင်းရသည့်ကိစ္စတွင် ပူးပေါင်းဆောင်ရွက်ခဲ့ခြင်းမရှိပေ။
မြန်မာပြည် အလွန်ဝေးသီခေါင်ဖျားသော ရွာ၌ တပ်ခွဲတစ်ခုသည် ကာလဝမ်းရောဂါကူးစက်ခံနေရ၏။ အခုအချိန်ထိ အလေးအနက်ထား၍ ဆေးစစ် ကုသမှုများ လာလုပ်ကြသည်ဆိုသည့် ပုံစံမျိုးလည်း မကြားရသေးပါ။ လူနာအဖြစ် ဆေးရုံတင်ကုသခံနေရသော ရဲဘော်များလည်း အမရပူရတွင် မလွှဲပြောင်းခင်အထိ တစ်တပ်လုံး မိခင်တပ်ရင်းသို့ ပြန်ကြရ၏။
ပင်းယ၌ ၂ပတ်ခန့်စခန်းချပြီးနောက် မေလ ၂၂ရက်တွင် ကျွန်တော်တို့ တပ်ခွဲသည် မန္တလေးမြို့အနီးရှိ အမရပူရမြို့သို့ရာက်လာ၏။ 
မန္တလေးသည် ယခင်က နန်းတော်ရှိခဲ့သော မင်းနေပြည်တော်ဖြစ်ပြီး မြို့တွင်း၌ ဗုံးဒဏ် တော်တော်ခံထားရကာ ဖုံအလိမ်းလိမ်းဖြင့် ဘယ်နေရာကြည့်ကြည့် လတ်လတ်ဆတ်ဆတ် စစ်၏ဒဏ်ရာဒဏ်ချက်များကို တွေ့ရလေသည်။ 
အမရပူရတွင် အလွန်သပ်ယပ် စည်းကမ်းကျသော ဘုန်းကြီးကျောင်းတကျောင်းရှိလေသည်။ ထိုကျောင်းမှ ဆရာဝန်၊ သူနာပြုများက ကျွန်တော်တို့ ဆေးခန်းသို့ မကြာမကြာလာ၍ ငှက်ဖျားဆေးတောင်းလေ့ရှိ၏။ ထိုကွီနိုင်ဆေးများကြောင့် သူတို့တတွေလည်း ချမ်းသာရာရခဲ့ကြလေသည်။
ကျွန်တော်တို့ တပ်ခွဲသည် ဘူတာအနောက်ဖက် ကျယ်ဝန်းသောမြေပေါ်တွင် ဆောင်ထားသော ရထားရိပ်သာတွင် စခန်းချရသည်။ မြေကွက်သည် အတော်ကျယ်ဝန်းပြီး သစ်ပင်ကြီးများဖြင့် အုံ့ဆိုင်းနေ၏။ မြင်းဇောင်းအတွက်လည်း လုံလုံလောက်လောက် ကျယ်ပြီး ကျွန်တော်တို့ သယ်/ပို့တပ် အတွက် အလွန်အဆင်ပြေသောနေရာ ဖြစ်ပေသည်။ ရမည်းသင်းတွင် ကြာကြာနေခဲ့ရသောကြောင့် ဒေသခံများနှင့် ရင်းနှီးခွင့်ရခဲ့ပြီး အလည်အပတ် စကားစမြည်ပြောခွင့်လည်း ရခဲ့ပေသည်။ မြန်မာပြည်အကြောင်းလည်း ပိုမိုလေ့လာခွင့်ရခဲ့ပြီး ကျွန်တော့အတွက် အောက်မေ့ဘွယ်ရာ အများကြီးရခဲ့သော နေရာလည်းဖြစ်ပေသည်။
