နယူးယောက်နှင့် ဟာရီကိန်းအိုင်ရင်း

New York နှင့် Hurricane Irene

8/24/11- (ရန်ကုန် 7:30 am)     Online ပေါ်တွင် ဖြစ် ပါသည်။

        
           


သမီး                 NY ကို Hurricane ဖြတ် မယ် တဲ့ မေမေ..Category -1 တဲ့ news တွေက သတိပေးနေကြတယ်

အမေ                ဘယ်တော့လဲ?.. သမီးတို့ဘာတွေပြင်ထားကြလဲ?..

သမီး                အင်း..ဘာမှမလုပ်ရသေးဘူး..စား စရာတော့ ၀ယ်ရမယ်ထင်တာဘဲ(အတွေ့ အကြုံမရှိသောသမီးကပြော၏)

အမေ                news တွေက ပြောတဲ့ အတိုင်းလိုက်နာနော်.. mayor ကတော့ well prepare လုပ်ပေးနေတယ်မဟုတ်လား?

သမီး                 ဟုတ်တယ် သူဆီက သတိပေးစကားတွေလဲ ခဏခဏလာနေတယ်..ပြီးတော့ rescue center တွေလဲ ဖွင့်ပေးမယ်တဲ့။

8/26/11-(ရန်ကုန် 8:00 am)

အမေ                သမီး Hurricane ကဘယ်လိုလဲ?

သမီး                 East Coast ကိုတော့ ၀င်လာနေပြီ..TV ထဲမှာပြနေတယ်..တော်တော်ပြင်းတာဘဲ..ပြီးတော့ လမ်းကြောင်းထဲမှာပြနေတာတော့ Hurricane ရဲ့ Eye ကNY City ကိုဖြတ်မယ်တဲ့…

အမေ                မြတ်စွာဘုရား…

သမီး                 မပူပါနဲ့မေမေ..သမီးတို့စားစရာရော..ရေရော တပတ်စာဝယ်ထားတယ် ..

stores တွေမှာ…ရေ၀ယ်လို့ မရတော့ဘူး မေမေ..ကုန်နေပြီ..

ပြီးတော့အိမ်နားမှာလဲ rescue center ဖွင့်ထားတယ်..တချို့ လူတွေက တခြား state ခဏပြောင်းနေကြတယ်။ မေမေ့အသိတွေတောင်ပါသေးတယ်။ ဘာလို့ဒီလောက်ကြောက်နေသလဲမသိဘူး…..

(အန္တရာယ်ကို မသိနားမလည်သဖြင့် အေးအေးဆေးဆေးဖြစ်နေ၏)

အမေ                ဒါအန္တရာယ်ကြီးလို့သူတို့တွေရွှေ့ ကြတာဘဲ..ဘုရားတရားမမေ့ကြနဲ့ သတိနဲ့နေကြနော်..    ဟိုမှာရှိတဲ့လူကြီးတွေနဲ့လဲ တိုင်တိုင်ပင်ပင်နေကြ လုပ်ကြနော်…  

မေမေ အမြဲonline ဖွင့်ထားမယ် တခုခုဆိုရင် ချက်ချင်း ပြောနော်…

8/27/11 -ည( NY  )

         

သမီး                 ဒီနေ့နေ့လည် 12:00am ကစပြီး sub way တွေပိတ်လိုက်ပြီမေမေ.. flights တွေလဲ cancel လုပ်လိုက်ပြီးဘယ်မှသွားလို့မရတော့ဘူး..

                      













                      
                       Mayorကအားလုံးအိမ်ထဲမှာနေကြဘို့သတိပေးနေတယ် 

မနက်ဖန် မနက် 10:00am မှာHurricane က ၀င်မှာတဲ့..North Carolina  တော့တော်တော် ထိနေတယ်..NYကိုလဲ85-105 mile/hr နဲ့ဝင်နိုင် တယ်တဲ့..power shutdown  ဖြစ်သွားရင်ဒုက္ခဘဲ ဆက်သွယ်ရခက်လိမ္မယ်…

သမီးဆီကထိုစကားကြားပြီးကထဲကနေလို့ထိုင်လို့မရတော့ပါ..

ဘာလုပ်ရမှန်းလဲမသိ..ဘုရားရှိခိုးလိုက်ဆုတောင်းလိုက်.. မီးပူဇော်လိုက်နှင့်… ထိုင်မရထမရ..

ဘယ်လိုလုပ်ရမလဲ.. ဘယ်လိုလုပ်ရမလဲ..

ကလေးတွေကကိုယ့်ရင်အုပ်နှင့်ကွာဝေးနေ၏..မိသားစုတူတူဆိုရင်..ဆိုးအတူကောင်းအတူရင်ဆိုင်ရဲ၏..

သမီးလေး၏ online ပေါ်ရှိ green dot လေးကိုအပျောက်မခံနိုင်ဖြစ်နေ၏..

သမီးနှင့်တကွ NY City ရှိလူ ၁၂ သန်း အတွက်ကို၎င်း…

ထိုမူန်တိုင်း ကြောင့်လူပေါင်း ၆၅သန်း တွေ့ကြရမည့် ဒုက္ခကို၎င်း..

တွေးရင်းတွေးရင်း..နှစ်လုံးခုန်နှုန်းကမြန်လာကာရင်တုန်လာသည်…

စိတ်ငြိမ်ရန်မေတ္တာပို့ဘို့ကြိုးစားသော်လည်း..မိမိ၏ခြောက်တိခြောက်ချက်သမာဓိက ..

ဘယ်လိုမှအလုပ်မဖြစ်… ဘာမှလုပ်ပေးလို့မရဖြစ်နေသည်က ..ဆိုးဝါးလှသည်..

ဘယ်သူတွေကများဒီလို.. ကြီးမားလှတဲ့သဘာဝဘေးအန္တရာယ်တွေကိုကာကွယ်ပေးနိုင်မှာပါလိမ့်လို့စဉ်းရင်း… နည်းလမ်းရှာကြည့်သည်…
ဟော..သတိရပြီ…

သီလ သမာဓိ ပညာ အားကောင်းသောသူတော်ကောင်းများ မေတ္တာပို့ သစ္စာဆို ပေးလျှင်…

သက်သာ လွတ်မြောက် နိူင်ကြောင်း သတိရလာသည်။

8/28/11 နံက် (ရန်ကုန်)

မှော်ဘီမြိုနယ် ထဲရှိ အောင်မင်္ဂလာမြေဇင်း တောရ ရိပ်သာ တွင် တရားပြ နေသော ဆရာတော်ဆီကို အကြိုးအကြောင်းပြောကာ.. မေတ္တာပို့ပေးပါရန်လျှောက်ထားလိုက်ပါသည်။

မြေဇင်းရိပ်သာတွင်.. တရားဝင်နေကြကုန်သော ယောဂီတော်တော်များများသည် သမာဓိအား ထက်မြက်ပြီး အလင်းနိမိတ်အားကောင်း သောယောဂီ များရှိကြပါသည်။ မေတ္တာကမ္မဋ္ဌာန်းကိုလဲပွားများကြရပါသည်။ ဥပုသ်နေ့တိုင်းစုပေါင်းမေတ္တာ ပို့ကြပါသည်။

ဆရာတော်က မိမိနှင့်တကွတရားဝင်နေကြသောယောဂီများအား..ဒီနေ့အထူးပြုပြီး..NYC ရှိလူအများ ဘေးရန်ကင်းဝေးစေရန် မေတ္တာပို့ပေးမည့်အကြောင်း အမိန့်ရှိပါသည်။(ထိုနေ့သည် ၀ါခေါင်လကွယ် နေ့ဥပုသ်နေ့လဲဖြစ်သည်)

သမီး                 Virginia မှာ power shutdown ဖြစ်ကုန်ပြီ မေမေ..ဒါပြီးရင် New Jersey နဲ့ New York ရောက်တော့မယ်..

8/28/11 ည (ရန်ကုန်)

NY တွင် Hurricane Irene ၀င် ရန် နာရီပိုင်း သာလို တော့သည်..

ရန်ကုန် အချိန် ည ၇ နာရီ (NY time 8:30 am) တွင် ဆရာတော်နှင့်တကွယောဂီများ New York မြို့သို့ရည်မှန်းကာ စတင် မေတ္တာပို့ကြပါသည်.. တစ်နာရီတိတိ ပို့ကြပါသည်…..

ထိုနေ့ညသမီးကတော်တော် နှင့် online ပေါ် ရောက်မလာသဖြင့် စိတ်မောနေရ၏…

ရန်ကုန်အချိန် ည၈နာရီခွဲ(NY time 10:am) ရောက် မှပေါ်လာသော သမီး အား မေးကြည့်သည့် အခါ

Hurricane သည် နံက် 9:00am မှာ NY City ဖြတ်ခဲ့ကြောင်း စတင်ဝင်ရောက်ချိန် တွင်…

Hurricane မှ Tropical Storm သို့ အား ပျော့သွားကာလေတိုက်နှုန်းမှာလဲ 65m/hr သာရှိခဲ့ကြောင်း.. ခန့်မှန်းထားသကဲ့သို့အပျက်အစီး မများကြောင်း..

အခုအခါအပြင်ဘက်တွင် လေအနည်းငယ်သာတိုက် လျှက်ရှိပြီး နေရောင်ခြည်ပွင့်လာပြီဖြစ်ကြောင်း….

ဝမ်းမြောက်စရာကြားသိရပါသည်။

သမီး                 အပြင်မှာစါကလေး..လေးတွေ အော်ပြီး အစါရှာနေကြပြီမေမေ…

သူတော်ကောင်းများ၏ ပို့သသော မေတ္တာအစွမ်း သစ္စာအစွမ်း ကြောင့်ပါပေ…

အောင်မင်္ဂလာမြေဇင်း ရိပ်သာရှိ ဆရာတော်နှင့်သူတော်စင် ယောဂီများအား ရိုသေ ကျေးဇူးတင်စွာဖြင့် ဦးချကန်တော့လျှက်…

ဆရာတော် နှင့် ယောဂီ သူတော်စင် များ စုပေါင်းကာမေတ္တာပို့ ဆုတောင်း ပေးခဲ့ကြပါသည်။

လုံးစုံ များစွာ သတ္တ၀ါ…ချမ်းသာကိုယ်စိတ် မြဲပါစေ…..

မမွှေး

မြန်မာစစ်မျက်နှာ (၁၆)

အခမဲ့ဆေးပေးခြင်း

ဒေသခံလူများတွင် ငှက်ဖျားရောဂါကျရောက်နေပြီး “ဖျားတယ် ဖျားတယ်”ဟုဆိုကာ တဆတ်ဆတ် တုန်ပြီး အဖျားတက်နေသော လူနာများက တဖွဲဖွဲရောက်လာကြလေသည်။ ထိုအချိန်တွင် ကျွန်တော့်လက်ထဲတွင် တပ်ခွဲနှင့်မဆိုင်သော ကွီနိုင်ဆာလဖိတ်ဆေးများက ဓါတ်ဆီတိုင်ကီနှင့် အပြည့်ရှိနေသောကြောင့် မပူမပင် မကြောင့်ကြရပဲ ဆေးပေးနိုင်ခဲ့လေသည်။ လူနာများသည် အဖျားသွေးကျသွားသည်နှင့် တပြိုင်နက် ရောဂါပျောက်ပြီဟုယူဆ၍ ဆေးကိုဆက်မသောက်ပဲ ရပ်ပစ်လိုက်ကြသည်။

သွေးစစ်ဆေးခြင်းမပြုလုပ်ပဲ ဆေးမီးတိုဖြင့် ကုသ သကဲ့သို့ဖြစ်သော်ငြားလည်း လူနာများအကြားတွင်မူ ကျေးဇူးတင်စွာဖြင့် သစ်သီးဝလံများယူဆောင်လာခြင်း၊ တခါတရံတွင် “ဆရာဝန် လုံချည်ဝတ်ပါ”ဟူ၍ လုံချည်များယူဆောင်လာသူကလည်း မရှားပေ။

ကျွန်တော့်အတွက် ယူလာကြခြင်းဖြစ်သော်လည်း တခုမျှ ကျွန်တော့တဦးတည်း ကိုယ်ကျိုးအတွက် အသုံးမချခဲ့ပါ။ ရဲဘော်များနှင့် လုပ်ဖော်ကိုင်ဖက်များကို မျှဝေခြင်း လိုအပ်နေသူကို ပေးဝေခြင်းပြုခဲ့ပါသည်။ ဤကဲ့သို့ အကျိုးလို၍ ညောင်ရေလောင်းခဲ့ခြင်းလည်း မဟုတ်ပါ။

တရက်တွင် တပ်ခွဲမှူးက ကျွန်တော့အား-

“အီနာဂခိစံ၊ ဒေသခံလူတွေကို ဆေးတွေ သိပ်ပေးမနေနဲ့။”ဟု တားမြစ်လာလေတော့သည်။ ၄င်းအပြင် အလွန်အရေးကြီးသော တပ်ခွဲပိုင် ဆေးများကို အရေးမပါသောနေရာတွင် အလွဲသုံးစားပြုနေသည်ဟူသော မည်သို့မျှ မစဉ်းစားမိသော ပြဿနာ တက်လာလေသည်။

ကျွန်တော်တို့ ချီတက်ရာလမ်းတွင် ပိုင်ရှင်မဲ့ ဆေးဝါးပစ္စည်းထုပ်များကို အမြောက်အများ တွေ့ရှိရပြီး သယ်ဆောင်လာခဲ့သည်။ ထိုမြန်မာမြေပေါ်မှဆေးဝါးများကို မြန်မာလူမျိုးအား ပြန်လည်ဝေငှကုသခြင်းကို မှားသည်ဟုပြောသည်နှင့် တူနေပေသည်။ သယ်လာခဲ့သော ဆေးဝါးများကြောင့် အထူးသဖြင့် Emetine hydrochloride ဆေးပြားများသည် ရဲဘော်အများအပြားတွင် ကျရောက်နေသော dysentery အစာအိမ်နှင့်ပတ်သက်သော ဝေဒနာကို ကုသနိုင်ခဲ့သည်ကို မသိကျိုးကျွန်ပြုနေသည်။ ရှာကြံ အကျယ်ချဲ့ အပြစ်တင်နေသဖြင့် သူ့တားမြစ်ချက်ကို လျစ်လျှူရှုပြီး ဆေးဝါးများ ဆက်ပေး ကုသ နေလိုက်သည်။

ကျွန်တော်တို့ မြန်မာပြည်မသို့ ဝင်ရောက်ပြီးနောက် လမ်းတွင်တွေ့ခဲ့သော ဆေးဝါးသေတ္တာများကို သယ်ဆောင်လာခဲ့ကြသည်။ တပ်ခွဲ၏ဆေးဝါးပစ္စည်းများ အခြေအနေကို စိုးရိမ်မိသည်ကတကြောင်း သယ်/ပို့တပ်ဖြစ်သည့်အတွက် အခက်အခဲမရှိသည်ကတကြောင်းတို့ကြောင့် ဖြစ်သည်။

ထိုအချိန်က သယ်လာခဲ့သော ဆေးဝါးများမှာ Trianon, ProntoZeal Al Bazille, Gerizon (sulpha drugs), Colamine, Djigitamin (cardiac), Metaporin, Superuzon, Bitashimin (vitamins), Zaruso Gureran , Zaruso Burokanon, Cologne Dan (analgesia အဖျားကျဆေး) Salvarsan (antisyphilitic agents) နှင့် အခြား other analgesic agents အဖျားကျဆေးများ၊ ထိုးဆေးများ အစာအိမ်နှင့်သက်ဆိုင်သော oral medicine antiflatulent များအပြင် အာဂျီနိုမိုတို အချိုမှုန့်များ၊ ပန်းသီး အပြည့်ပါသော သေတ္တာပါ ပါဝင်လေသည်။

ဤဆေးဝါးအများအပြားကို တပ်အတွက်ချည်းအသုံးပြုခဲ့ပြီး ဒေသခံလူများအတွက် အသုံးပြုသည်မှာ တကယ်တော့ မဖြစ်စလောက် အရေအတွက်မျှသာဖြစ်လေသည်။

တကယ့်အနှစ်သာရမှာ မီဆောဟင်းချိုရောင်ပေါက်နေသော ရေနောက်ကို အတူသောက်ခဲ့ကြရသော ရဲဘော်ရဲဘက်များနှင့် လယ်ကွင်းထဲတွင် စားသောက်ကြရသည်က ပျော်စရာဖြစ်ခဲ့ပြီး ယခုအချိန်အထိ စိတ်ဝမ်းကွဲသူဟူ၍ တယောက်မျှမရှိခြင်းပင်။ ရဲဘော်များကလည်း ကျွန်တော့လုပ်ရပ်ကို ကျေနပ် ဝမ်းသာကြလေသည်။

ရမည်းသင်းတွင် တင်ပါးဆုံ၌ နဗ်ကြောကြောင့် နာနေသော အဖွားအိုတယောက်အား Metaborun ဆေးထိုးပေးခဲ့ရလေသည်။ ထိုအဖွားအိုမှာ ရှေ့နေ မောင်သိန်း၏အမေဖြစ်ပြီး ကျွန်တော်ပြန်သည့်အခါ ရန်ကုန်တွင် ပြန်တွေ့ကြပြီး ဝမ်းသာစွာဖြင့် ကျွေးမွေးဧည့်ခံလေသည်။

မြန်မာပြည်တွင် ခလေးမွေးပေးရခြင်း

အထက်အရာရှိ ဒေါက်တာ ယာနာဂိတထံမှ “ ခလေးမွေးရခက်နေလို့ ချက်ချင်းလိုက်သွားပြီး မွေးပေးလိုက်ပါ။” ဟု အခေါ်လွှတ်ခံရသဖြင့် လိုက်သွားရလေသည်။

မိသားစုဝင်များအား “ကျွန်တော် ဂျပန်နည်းဖြင့် မွေးပေးမယ်။” ဟု အကျိုးအကြောင်း ရှင်းပြပြီး စစ်ဆေးသည်။
သားအိမ်မညှစ်နိုင်သဖြင့် Pitsuitorin ဆေးထိုးပေးလိုက်ရာ မြန်မြန်နှင့် သက်သက်သာသာ မွေးဖွားလာလေသည်။ မိသားတစုလုံး ပျော်ရွှင်ကြည်နှုးကြလေသည်။ ဤခလေးသည် ၁၂ယောက်မြောက်ဖြစ်၏။ “ဒီထက်ပိုပြီးမွေးရင် အသက်အန္တရာယ်ထိခိုက်လာမှာစိုးလို့ သားကြောပါဖြတ်ပေးပါ။”ဟု တောင်းဆိုသဖြင့် ၄င်းကိစ္စကို မီးတွင်းကာလပြီးမှ ပြုလုပ်ရန် ပြောပြီးပြန်လာခဲ့သည်။

မီးဖွားပြီးနောက်လည်း မိခင်နှင့် ခလေးကျန်းမာရေးကို အကြီမ်ကြိမ် သွားရောက် ကြည့်ရှုပေးခဲ့ရာ တိုးတက်ဖွံ့ဖြိုး ကျန်းမာကြလေသည်။

ထိုအချိန်တွင် တပ်မှ ရခိုင်စစ်ဆင်ရေးအတွက် ရွှေ့ပြောင်းရန်ကိစ္စဖြစ်လာလေရာ သားကြောဖြတ်ရန်ကိစ္စကို မဆောင်ရွက်ဖြစ်တော့ပဲ ရမည်းသင်းမှထွက်ခွါလာရလေသည်။

ရမည်းသင်းမှထွက်ခွါသည့်နေ့တွင် ဘူတာရုံ၌ မြန်မာလူမျိုးအမြောက်အများ လာရောက်နှုတ်ဆက်ကြလေသည်။ ထိုအထဲတွင် မီးနေသယ်လူနာ တမိသားစုလုံးပါဝင်လေ၏။

“ဒါ မြန်မာလူမျိုးတွေရဲ့ အကာအကွယ် အစောင့်အရှောက်ပဲ။”ဟုဆိုကာ ဗုဒ္ဓရုပ်ပွားတော်အသေး ၂ဆူပေးလေသည်။ ယုံယုံကြည်ကြည်ဖြင့် ဆုတောင်းလျှင် ဗုဒ္ဓက ကာကွယ်စောင့်ရှောက်လိမ့်မယ်ဟု ရှင်းပြလေသည်။

သူမမိသားစု တစုလုံး၏ နွေးထွေးသော မေတ္တာကိုခံယူလျှက် ရထားမထွက်မှီအထိ တောက်လျှောက် အတူရှိနေကြလေသည်။ ဤ ဗုဒ္ဓရုပ်ပွားတော်များသည် ယခုအခါတွင် ကျွန်တော့အိမ် ဘုရားစင်၌ သပ္ပါယ်စွာ စံပယ်တော်မူနေကြပေသည်။

အိနြ္ဒိယပစ္စယော - အများကြီးတိုးတက်သွားပြီ

ဓမ္မဘေရီဆရာတော်သည် ဆန်ဖရန်စစ္စကိုဘေး ဧရိယာတွင် လူတိုင်းအတွက်ပဋ္ဌာန်း သင်တန်းပို့ချနေသည်မှာ အိနြ္ဒိယပစ္စည်းအကြောင်း ရှင်းပြသောနေ့က ဖြစ်လေသည်။

အိနြ္ဒိယပစ္စည်းသည် အဓိပတိပစ္စည်းကဲ့သို့ အကုန်လုံးကိုအစိုးရခြင်းမဟုတ်ပဲ ဆိုင်ရာဆိုင်ရာ အပိုင်းလိုက်သာ အစိုးရခြင်းဖြစ်ကြောင်း။ အပိုင်းလိုက် အစိုးရခြင်းကို ဥပမာ ဥပမေယျများ ထုတ်ပြလေသည်။

မြန်မာ့ဆိုရှယ်လစ်လမ်းစဉ် ပါတီညီလာခံများကျင်းပစဉ် အခါတုန်းကဖြစ်သည်။

ပါတီညီလာခံသို့ တက်ရောက်ရန်အတွက် ချင်းပြည်နယ်မှ ကိုယ်စားလှယ်တဦးသည် မန္တလေး-ရန်ကုန်ရထားကို စီးနင်းလိုက်ပါလာသည်။ ၄င်းကိုယ်စားလှယ်အနီးတွင် ကဗျာဆရာတင်မိုးနှင့် စာရေးဆရာမောင်ထင်တို့သည်လည်း စီးနင်းလိုက်ပါလာကြရာ စကားစမြည်ပြောဖြစ်ကြလေသည်။

ဆရာတင်မိုးက-

“နောင်ကြီးက ဘယ်သွားမလို့တုန်း”

“ပါတီညီလာခံတက်မလို့”

“အော်   ဒါနဲ့ နောင်ကြီးတို့ ချင်းပြည်နယ် အခြေအနေ ဘယ်လိုနေတုန်း”

“ဟာ အများကြီးတိုးတက်သွားပြီ”

“ဟင် တယ်ဟုတ်ပါလား။ ပြောပြစမ်းပါအုံး”

ဆရာမောင်ထင်သည် ကဗျာကယာ စာအုပ်နှင့် ဖောင်တိန်ထုတ်ကာ ရေးမှတ်ရန်ပြင်လေသည်။

“တိုးတက်သွားပြီ အများကြီးတိုးတက်သွားပြီ”

“ဟုတ်လား။ လမ်းပမ်းဆက်သွယ်ရေးတွေရော”

“အင်း   အယင်တုန်းက အတိုင်းပဲ”

“ဟို စိုက်ပျိုးရေးတွေရော”

“အဲ   အယင်တုန်းက အတိုင်းပဲ”

“ဟို   ဟို  ရေတို့ မီးတို့ ရော”

“အဲဒါလဲ အယင်တုန်းက အတိုင်းပဲ”

“ဟင် ဒါဆိုရင် ဘာတွေတိုးတက်သွားတာတုန်း”

“တိုးတက်သွားတာပေါ့။ ကျုပ်တို့ အခု အစည်းအဝေးလုပ်တတ်သွားပြီလေ။ အယင်တုန်းကဆိုရင် အစည်းအဝေးမရှိဘူး။ လမ်းပြင်မယ်ဆိုရင် ဒီအတိုင်းပဲ ပေါက်တူးကိုင်ပြီး တအိမ် တယောက် ထွက်သွားလိုက်တာပဲ။ အခုဆိုရင် ဒီအတိုင်းမသွားဘူး။ အစည်းအဝေးလုပ်တယ်၊ (တင်ပြတယ်၊ ထောက်ခံတယ်၊ အောင်မြင်စွာပြီးဆုံးကြောင်းကြေငြာတယ်)ပြီးမှသွားတယ်။ ကျုပ်တို့ အစည်းအဝေး ကောင်းကောင်း လုပ်တတ်သွားပြီ။ အများကြီးတိုးတက်သွားပြီ”

မြတ်စွာဘုရား။ ကျမတို့လည်း ဂျီးတော်နိုင်ငံတွင် အသင်းကောင်းကောင်းဖွဲ့တတ်သွားကြလေပြီ။ အလုပ်ကော်မီတီဖွဲ့ကာ ရာထူး ယူတတ်သွားကြလေပြီ။

ဘယ်အသင်းမှ community ၏ leadership အဖြစ် ကြီးထွားဖွံ့ဖြိုး စည်ပင်မလာပဲ အသစ်အသစ်သော အသင်းများမှိုလိုပေါက်လာလေသည်။

အော် အိနြ္ဒိယပစ္စည်းနှင့် ရွှေမြန်မာများ။ အပိုင်းလိုက်သာလျှင် အစိုးရကြ ပါလားနော်။

မေနှင်းလဲ့မွန်               ၉၊ ၄၊ ၂၀၁၁။